Datorren hilabetean ospatuko den 78. edizioaren baitan antolatu den Organo Zikloko kontzertuetako bat Usurbilen iragarri dute aurten ere. Abuztuaren 6an, arratsaldeko 20:00etan Salbatore Elizan. Yves Rechsteinerrek eskainiko dizkigun Berlioz, Franck, Saint-Saëns eta Oidor-en obrez gozatzeko aukera izango da. "Musika frantsesaren errepertorio askotarikoaren bitartez, Usurbilgo Mutin/Cavaillé-Coll organoaren ezaugarri tinbrikoak nabarmenduko dira", iragarri dute antolatzaileek. Usurbilgo Udalak babestuko duen kontzerturako sarrera doakoa izango da. Informazio gehiago: quincenamusical.eus
