Usurbil berriz ere bertso eskola izateko bidean da. Bota Punttuba berpizteko asmoa dago. Horretarako ordea noski, bertso zaleak behar dituzte. Ikasturte berrirako izen emate eguna finkatu dute jada; irailaren 26an arratsaldeko 19:00etan Sutegi atarian.
Deialdia 9 urtetik gorako gaztetxoei eta helduei ere zuzendua dago. Batzuentzako zein besteentzako saioen egutegi eta ordutegiak ere finkatu ditu Bota Punttubak. Saio guztiak astearte arratsaldeetan izango dira: 18:00-19:00 artean gaztetxoenak, 19:00-20:00 artean helduenak. Urteko kuota, 20 eurokoa.
Irailaren 26ko izen emate hitzordura bertaratu ezin duenak, inskripzioa bideratu eta argibide gehiago jasotzeko botapunttubabertsoeskola@gmail.com helbidera idatzi dezakezue. Bota Punttuba bertso eskolan parte hartzeko gonbita, bertsotan luzatu dute:
Hitzei forma emanez
nork bere erara
gozatzeko aukera
Usurbilen bada
hitz-joko ta txisteen
zalea bazara
animatu ta zatoz
Bertso eskolara!!