Usurbil berriz ere bertso eskola izateko bidean da. Bota Punttuba berpizteko asmoa dago. Horretarako ordea noski, bertso zaleak behar dituzte. Ikasturte berrirako izen emate eguna finkatu dute jada; astearte honetan, irailaren 26an arratsaldeko 19:00etan Sutegi atarian.
Deialdia 9 urtetik gorako gaztetxoei eta helduei ere zuzendua dago. Batzuentzako zein besteentzako saioen egutegi eta ordutegiak ere finkatu ditu Bota Punttubak. Urteko kuota, 20 eurokoa izango da.
Irailaren 26ko izen emate hitzordura bertaratu ezin duenak, inskripzioa bideratu eta argibide gehiago jasotzeko botapunttubabertsoeskola@gmail.com helbidera idatzi dezakezue. Bota Punttuba bertso eskolan parte hartzeko gonbita, bertsotan luzatu dute:
Hitzei forma emanez
nork bere erara
gozatzeko aukera
Usurbilen bada
hitz-joko ta txisteen
zalea bazara
animatu ta zatoz
Bertso eskolara!!
HAUR, GAZTE NAHIZ HELDUENTZAKO ESKAINTZA
Izen ematea: irailaren 26an, 19:00etan Sutegi atarian.
Ikasturte hasiera: urriaren 3an.
Haur eta gaztetxoak
-7-9 urte arteko haurrentzako saioak: asmoa, astean behin 13:30-14:30 artean. Lekua zehazteke.
-9 urtetik gorako gaztetxoentzako saioak: asteartero 18:00-19:00 artean Potxoenean.
Helduak
-Asteartero 19:00-20:00 artean Potxoenean.
Izena eman edo informazio gehiagorako: botapunttubabertsoeskola@gmail.com