Hilabete aldaketa gain gainean dugu. Iraila agurtu eta urrian murgiltzearekin batera, datozkigun ekitaldien berri jasotzeko garaia da. Udako etenaldiaren ostean, urriko kultur agenda argitara eman berri du Usurbilgo Udalak. Aginagako jaiak, Nafartarren ekintza astea, hamargarren ediziora heldu den Buruntzaldeko Ibilbideen Eguna, Usurbil Herri Anitza jaialdia estreinakoz ordezkatuko duen Mundualdia, Tokikom Sariak...
Hitzordu mordoa dakartza sartzear garen hilabete berriak. Hemen duzue udal kultur agenda, kultura.usurbil.eus udal atarian ere kontsulta dezakezue.
