Maila ezinhobeko abeslariak ditugula aspalditik bagenekien, gaurkoan ordea eguraldia bera ere jabetu da. NOAUA!ren Kulturaldiaren baitan igande eguerdi partean ospatu den bertso-kantu-jirako partaideak eta herritarrak kalera atera orduko atertu baitu eta ia amaierara arte ateri eutsi dio gainera.
Kalejirak Kaxkoko taberna bueltak, frontoia eta Alejandro Tapiaren omenez Sutegin bere sortze lanekin zabalik den erakusketa ere lotu ditu. Kantu Taldekoek kalejirarako Mikel Alkorta trikitilaria eta Jurgi Fuentes panderojolea izan dituzte bidelagun. Geldialdietan kantu eta Alaia Martin eta Jon Maiaren bertso saio ederrak tartekatu dituzte.
Bota Punttuba, Kantu Taldea eta NOAUA! K.E.-ren arteko elkarlanak ahalbidetu du igande honetako saio eder hau. Irudiotan bildu dugu:
https://youtu.be/Ys67mjd57tI
