Azken aldiko prezipitazio faltagatik lurzorua lehorra dugu. Eta orduotan gainera hego haize zakarra baita. Egoera hau dela eta, abisu horia ezarri du Eusko Jaurlaritzako Segurtasun Sailak, asteazken arratsaldeko 15:00etatik aurrera. Gutxienez ostegun gaueko 00:00ak arte indarrean izango dute abisu hori hau. Jaurlaritzaren esanetan, "baso-sute arriskua altua da EAEn, bereziki kantauri isurialdean eta mendebaldean".
EGUNOTARAKO IRAGARPENA:
Azaroak 22, asteazkena
"Gaur hego-haize zakarra ibiliko da. Zenbait momentutan ezatsegina izango da baina kantauri isurialdean tenperaturaren igoera ahalbidetuko du; bertan beroenak 22-23 ºC ingurukoak izango dira. Barnealdean, aldiz, termometroak 16-18 ºC-ren bueltan geratuko dira. Goizean zerua nahikoa garbi agertuko da baina arratsalde-gauean erdi-mailako hodei eta goi-hodeiak ugarituko dira, inolako ondoriorik utzi gabe".
Azaroak 23, osteguna
"Ostegunean egunaren bigarren partean zerua lainotu egingo da. Hego-haizea oraindik ere bizi ibiliko da eta tenperatura ez da gehiegi aldatuko; agian zenbait tokitan pixka bat igo daiteke. Goizean giro eguzkitsua espero dugu, baina arratsaldetik aurrera hodeiak iristen hasiko dira. Era horretan, arratsalde-gau partean zerua estalita geratuko da eta ez da baztertzen gauean tantaren bat edo beste erortzea".
Azaroak 24, ostirala
"Ostiralean hego-mendebaldeko haizearekin jarraituko dugu eta hodei dezente izango dira. Haizeak indartsu joko du, eta tenperatura zertxobait jaitsiko bada ere, epeletik jarraituko dugu. Zerua nahikoa hodeitsu agertuko da, erdi-mailako hodei eta goi-hodeiekin gehienbat, eta arratsaldetik aurrera euri apur bat egin lezake. Egunaren amaieran, fronte bat hurbiltzearekin batera, haizea mendebal/ipar-mendebaldera aldatuko da,eta horren ondoren euri kontuak ugaritu egingo dira".
Informazio eguneratua: euskalmet.eus
Irudia: artxibokoa, 2015eko azarokoa.