Heldu da gure artera, bere txokoa hartu du Usurbilgo Udalak Mikel Laboa plazan egokituriko estalpe goxoan. Hantxe izango dugu urte hasierara arte. Goxotasunez gerturatu gaitezke bertara, Euskal Herriko ikazkin ezagunenaren albora, hain modan dauden selfie eta argazkiak atera ahal izateko.
Olentzero eta Mari Domingi ardatz hartuta hain zuzen, gabon kanta saio ugari antolatu dira egunotarako. Adi ate joka ditugun deialdi hauei guztiei:
GABON KANTUAK ABESTEKO SAIOAK
Abenduak 21, osteguna
Goizean zehar, ikasleen gabon kanten saioa Aginagako Eskolatik abiatuta.
Antolatzailea: Aginagako eskola.
09:30 Udarregi Ikastolako LH eta DBH-koen gabon kantuen saioa. LH-koek Kalezarko eta Kaxkoko buelta egingo dute. DBH-koak Kaxkoko ariko dira kantuan.
11:25 HH-ko haurren gabon kantuen jira, Agerialdetik frontoira.
Antolatzailea: Udarregi Ikastola.
Abenduak 22, ostirala
12:00 Zubietako eskolako kideen gabon kanten saioa Zubietako errebote plazan.
Ondoren, hamaiketakoa eta eskolak LH osoa eskaintzeko aukera eskuratu izana ospatuko dute.
Antolatzailea: Zubietako Eskola.
16:45 Olentzero, Napoleon astoa eta Mari Domingiren etorrera Haur Eskolara. 17:00etan 2-3 urteko haurren geletan harrera. Ondoren, jolastokitik gabon kantak abestuz frontoira. 18:15-18:30 aldera Haur Eskolako haurrentzako askaria frontoian: musikaz giroturiko pintxo eta sagardo dastaketa.
Antolatzailea: Haur Eskola.
Abenduak 23, larunbata
09:00 Gabon kantu jira Aginagako Parrokiatik.
Antolatzailea: Aginagako Katekesi Taldea.
18:00 Olentzerori ongi etorria Aginagako Sekaña parean. Trikitilariekin frontoira. Frontoian, eskutitz bilketa eta gaztain jana.
Antolatzailea: Antxomolantxa Elkartea.
Abenduak 24, igandea
12:00 Olentzero eta Mari Domingi euskal preso eta iheslarien eskubideen aldeko herri itzulia frontoitik.
Antolatzailea: Usurbilen Nahi Ditugu.
17:00etatik aurrera, Olentzeroren lagunek berarentzako gutunak bilduko dituzte Dema plazan.
17:30 Gabon kanta jira Parrokia aurretik.
Antolatzailea: Usurbilgo Salbatore Parrokia.
17:50 Olentzeroa Santuenea Elkartetik.
Antolatzaileak: Santuenea Elkartea eta gurasoak.
18:00 Haranetik idi gurdian helduko da Olentzero Ugarte baserri parera. Handik Dema plazarako bidea kantuan, Olatz Kortak gidatuko duen kalejiran. Bidean zehar Bordatxo edota Sutegi inguruetan, adar joleak, txalapartariak, bertsoak… Dema plazan, suaren istorioa, gaztain jana eta Olentzeroren gutun bilketa.
Antolatzailea: herritar eta eragile talde bat.