Taldekako argazkiak eta parte hartzaile guztien irudi orokorra aterata abiatu dute larunbat goiz honetan Haranen, Usurbil F.T.-k antolaturiko 4. Gabonetako Futbol Txapelketa. Etxekoekin batera, beste zazpi talde ari dira futbolaz gozatzen: Orioko F.T., Billabona K.E., Beti Ona, Allerru, Mutriku, Baztan eta Urnieta. Txapelketa amaieran banatuko dituzte sariak.
Gabonetako Zozketa
Usurbil F.T.-k egin berri du, urte garai honetarako antolatu ohi duen errifen zozketa. Euro bateko boletoak erostearen truke, hiru sari eder irabazteko aukera zegoen. Honatx zenbaki sarituak:
-Marije arropa dendan xahutzeko bono bat: 0147.
-Gabonetako saskia: 2.289.
-2 lagunentzako bazkaria Saizar jatetxean: 4.467.
