Euskal pertsona ospetsuei gorazarre, gaurko Inauteri Festan

Noaua Aldizkaria 2018ko ots. 10a, 19:09

Euskal Herriko jaietako zaindariak, Zeledon edota Mariajaia bera Usurbilen ditugu gaur. Abeslari ezagunak baita, Xabier Saldias edota Niko Etxart, Mikel Laboa edota Jorge Oteiza eskulturgilea omentzen ari dira beste batzuk. Omenaldiez ari garela, gastronomiak eta parranda giroak gurean duten indarraren erakusle, Usurbila gerturatu diren Keler zaletuak edota punta-puntako euskal sukaldari ezagunak.

Kantu Taldekoak eta Burrunbazale txarangakoek girotu dute eguerdi partean Kaxkoa. Baina ustekabean agertu zaizkigu bi zanpantzar koadrila. Haiekin, euskal punka omendu duen beste talde bat, kalean gora eta behera ibili duten oholtza mugikor batekin. Karroza gehiago ere ikusi ditugu, esaterako "Euskal Ferrero" zaletuenak. Eta kirolariak, mendizale eta arraunlariak.

Alfonbra gorriaren beharrik ez genuen gaurkoan. Ospetsuen herria dugu gaur Usurbil. Irudiotan bildu dugu eguerdi partean kalean gora eta behera ikusi ditugun Inauteri Festako hainbat herritar:

OLYMPUS DIGITAL CAMERA