Badator, musikaz gozarazi eta usurbildar musikarien lanketa plarazatzen duen astea; 14. ediziora heldu den Soinurbil alegia. Zumarte Musika Eskolak Usurbilgo Udalarekin elkarlanean antolaturiko musika aste oparoa datorkigu martxoaren 10etik aurrera.
Adi, lehen egun horretarako, hilaren 10erako beraz, "Lalala" tailer eta kontzertu formatuko bi hitzordu antolatu baitituzte 0-3 urte arteko haurrentzat Potxoenean. Sarrerak aurrez eskuratu beharko dira, hilaren 6a baino lehen, musika eskolak, eraikin berriko obrak amaitu artean, Puntapax kalean duen bulegoan. Segidan dituzue argibide gehiago, eta Soinurbil ekimenaren egitarau osoa. Ekitaldien xehetasun gehiago, egunez egun web orrialde honetako "Agenda" atalean.
Udalbatzaren ezohiko osoko bilkura
Zumarte Musika Eskolaz ari garela; Usurbilgo Udalak udalbatzaren ezohiko osoko bilkura iragarri da hurrengo astelehenerako, martxoaren 5erako. Zumarte Musika Eskola izango dute hizpide nagusi udal ordezkariek, arratsaldeko 18:00etatik aurrera. Hemen duzue gai zerrenda:
1-Zumarte Musika Eskola birgaitu eta handitzeko Exekuzio Proiektua onartzea.
2-Zumarte Musika Eskola birgaitu eta handitzeko obra kontratua esleitzeko kontratazio espedientea.
3-Galdera-eskaerak.
14. SOINURBIL MUSIKA ASTEA
Martxoak 10, larunbata: Haurren Eguna
11:00/12:00 Lalala 0-3 urte artekoentzako tailer eta kontzertuak Potxoenean.
Musikariak: Ledian Mola (Kontrabaxua), Denis Barzaga (Perkusioa)
Zuzendaria: Lalala Soinu Gela.
Sarrera: Zumartek Puntapax 10ean duen bulegoan jaso behar da, martxoak 6a baino lehenago.
Ohar garrantzitsua: pertsona heldu bakarra etorri daiteke haur bakoitzarekin.
Haur txiki-txikientzako tailer kontzertua da “Lalala”. 45 minutuko iraupena izango du kontzertuak eta perkusioko nahiz kontrabasuen soinuak ezagutaraztea du helburu.
Haurtxoentzat antolatzen diren kontzertuak jarduera berri samarrak dira hezkuntza-arloko kontzertuen barruan, eta kontzertuaren egintzaren eta musikarien eta entzuleen arteko harremanaren beste ikuspuntu bat aditzera ematen dute. Azken finean, soinuaren bitartez txikien gaitasun musikal, psikomotore, kognitibo eta sozio-afektiboak garatuko dira, haurra bere familiaren arteko lotura indartuz.
Proposatzen dugun jarduera 0 eta 3 urte bitarteko haurrentzat pentsatuta dago, beti ere gutxienez heldu batekin etorri beharko dutelarik.
17:30 "Reziklator" ikuskizuna frontoian.
"Reziklator, ikuskizun pedagogiko-musikal berri bat da. Helburua, 2-12 urte bitarteko haurrek, modu dibertigarri eta parte-hartzaile batean, birziklapenaren garrantzia barneratzea da. Horretarako, gorputz perkusioa eta musika tresna birziklatuak elkartuko ditugu".
Martxoak 12, astelehena
18:00/19:00 Organo erakustaldia Salbatore Elizan.
Zehaztasunak: Usurbilgo Organoa berezia da. 1907an Parisen eraiki zen. Cavaillé-Coll lantegietan. Bere lehen jabea ospe handiko baroi frantses bat izan zen (l´Espée baroia), Ilbaritzen (Baionatik gertu) zuen jauregirako enkargatu zuen organoaren eraikuntza. Lehen Mundu Gerra ondorengo diru-eskasiak zirela eta, baroiak bere ondasun batzuk saldu egin behar izan zituen, eta horien artean, organo eder hau. 1920 urte inguruan Usurbilgo Salbatore parrokiak hain baliotsua den tresna hau erosi zuen herritar batzuen ahalegin ekonomikoari esker. Azken urteetan zaharberritze lan garrantzitsuak egin dira Usurbilgo organoan. Joan Luis Atxegaren eskutik Usurbilgo organoa gertutik ikusteko aukera paregabea izango dugu.
Martxoak 14, asteazkena
18:30 Loatzo Musika Eskolarekin trukaketa Sutegiko auditorioan.
Zumarte Musika Eskolako taldeak: Trikitixa-Panderojole Taldea, Gitarra Taldea, Bosgutxitan Taldea.
Loatzo Musika Eskolako taldeak: gitarra taldea, triki taldea, eskusoinu taldea, saxo taldea, txistu taldea, eskusoinu, klarinete eta biolin taldea.
Martxoak 15, osteguna
18:30 Zumarteko biolineko ikasleen kontzertua Potxoenean.
Irakaslea: Ainhoa Franco Gaulabur
Ikasleak: Lide Otaduy eta Maia Jambrina; Malen Pérez; Izaro López: Nerea Portularrume: Nerea Portularrume / Malen Pérez / María Hernández / Itxaso Sánchez /Luisa Rodríguez Begoña Rekondo eta Ainhoa Pérez (flauta): María Hernández: Amaia Sasiain: Nerea Portularrume / Malen Pérez / María Hernández / Itxaso Sánchez eta Ainhoa Pérez (faluta): Itxaso Sánchez: Maia Jambrina / Amaia Sasiain / Malen Pérez /Lide otaduy / Luisa Rodríguez / Begoña Rekondo /Izaro López / Nerea Portularrume / Jon Sieira / María Hernández / Itxaso Sánchez: Biolin guztiak batera:
Martxoak 16, ostirala
19:30 Euskorleans taldearen kalejira.
Zehaztasunak: Euskal kantak, New Orleanseko 20. eta 30. hamarkadetako musikara moldatzen dituen jazz taldea da EuskOrleans Dixie Band. Esaterako, Benito Lertxundiren "Bizkaia maite", Mikel Laboaren "Txoriak-txori", "Peio Joxepe", "Boga-boga" edo "Batasuna". EuskOrleans Dixie Band ekitaldi, jai edo ospakizun batetan izanez gero, girotze originala ziurtatua izango duzu. Talde kideak: Javier Area (bateria); Igor Telletxea (Sousaphone-a); Iñaki Dieguez (akordeoia); Mikel Sukunza (gitarra); Julen Izarra (Saxo Sopranoa); Mikel Valcarlos (tronpeta); L.M. Moreno "Pirata" (tronboia eta ahotsa).
Martxoak 18, igandea
Getariako musika banda:
12:00 Kalean.
13:00 Frontoian.
Egitaraua: "Camino Real"; "John Williams Fantasy"; "Cabaret"; "El último mohicano"; "Caribbean Concerto".
Zuzendaria: Eneritz Jauregi.
Martxoak 20, asteartea
19:00 Organo eta txistu kontzertua Salbatore Elizan.
Egitaraua:
-Txistua: Aitor Pagola - Organoa: Lontxo Oihartzabal.
-Lezo eta Usurbilgo txistulari eta akordeoi taldeak: Xabier Zabala, E.Osterling eta Joxean Anduaga.
-Txistua (Salbatore Arruti) eta Organoa (Juan Luis Atxega).
-Lezo eta Usurbilgo txistulari eta akordeoi taldeak: Xabier Zabala, J.C. Perez, Joxean Anduaga.
Lezoko Txistulari Taldearen zuzendaria: Estanis Karrera Sarasola.
Akordeoi Taldearen zuzendaria: Joxean Anduaga Permach.
Apirilak 17, asteartea
18:30 Zumarteko ikasleen kontzertua Billabonako kultur etxean.
Antolatzaileak: Zumarte Musika Eskola eta Usurbilgo Udala.
Laguntzaileak: Gipuzkoako Foru Aldundia eta Kutxa.