Gipuzkoako ia ehun enpresetako langile batzordeek bat egin dute, lan munduko eragile anitzek eta Errausketaren Aurkako Mugimenduak hondakinen errausketari eta kudeaketari buruz martxoaren 20rako Donostian antolatu duten jardunaldi eta mobilizazio egunarekin. Aurreko ostiralean aurkeztu zuten hiriburuko udaletxean, sindikatuen mahai ingurua, Foru Aldundiaren egoitza inguruan egingo diren bi giza-kate, edota Piotr Barczak, Europako ingurumen bulegoko hondakinen arduradun teknikoaren ponentzia aurkezpena bilduko dituen hitzorduen eguna.
Astelehen honetan, aipatu moduan, euskal gehiengo sindikalak Donostiako Koldo Mitxelena Kulturunean egindako agerraldian bat egin dute erraustegiaren aurka eta martxoaren 20ko jardunaldi egunarekin. Haiek eta Gipuzkoako ia 100 lantegietako langile batzordeek. "Langileok erraustegiaren eztabaidan ere badugu zer esana eta erabakietan parte hartzeko eskubidea, gure bizi eta lan baldintzetan eragina duen gaia baita hau. Badago alternatiba, hondakinen kudeaketa iraunkorra, birziklatuz, berrerabiliz eta murriztuz. Dagoeneko demostratu da alternatiba erreala eta eraginkorra dela. Ingurumena eta pertsonak erdigunean jartzen dituen gizarte eredu berria beharrezkoa da", adierazi dute.
Oharra
Gipuzkoako Foru Aldundiak, gizartean dagoen kontrako jarrerari eta aurkeztu diren alternatibei kasurik egin gabe, Zubietako erraustegiaren proiektuarekin aurrera jarraitzea erabaki du. Gipuzkoako jendarteak dituen benetako beharrei erantzuteko behar diren ehunka milioi euro guztiz kaltegarria den azpiegitura hau eraikitzeko erabiliko dituzte. Erraustegia beharrezkoa ez izateaz gain, ondorio kaltegarriak eragiten ditu:
- Arlo ekonomikoan aipatzekoak dira banketxeekin sinatu ziren kontratu ilunak eta enpresentzako kalte ordain neurrigabeak, gipuzkoarrontzat guztiz kaltegarriak zirenak. Bestalde, betikoei esleitzen zaie azpiegituraren eraikuntza, martxan jartzea eta mantenimendua. Ondoren, erretzeko hondakinak beti izango direla ziurtatzen zaie hautazko birziklapenaren bitartez. Negozio borobila herritarron kontura eta langileei lan baldintza guztiz prekarioak ezarrita.
- Osasunean kalte larriak eragiten ditu. Hondakinak erretzeak kutsatzaile toxiko asko sortzen ditu eta hauek errautsetan kontzentratu eta atmosferara igortzen dira, baita inguruko nekazal lurretan metatu ere. Erraustegiaren inguruan lanean ari diren langileek osasun ondorio larriak pairatzen dituzte. Inguruko biztanleon bizi baldintzetan ere eragingo du. Kutsatzaile toxiko hauek fetuaren malformazioak, inmuno-sisteman, hormona-sisteman eta nerbio-sisteman nahasteak, kalte neuronalak, eta arnas eta bihotzeko gutxiegitasunak sor ditzakete besteak beste.
- Ingurumenari dagokionez, erraustegiak zabortegi toxikoak behar ditu. Bestalde berotegi efektuko gasen emisioak ere handiak dira, are gehiago kontuan izanik hondakinak erre ahal izateko gas naturala erabiltzen dela. Ez da egia beraz hondakinetatik energia berriztagarria ateratzen dutenik.
Honengatik guztiagatik, Gipuzkoako hainbat enpresetako Langile Batzordeek aldarrikatzen dugu langileok gai honetan ere hitza eta erabakia izatea. Era berean, bat egiten dugu “Langileok ere errauskailua gelditu! Badago alternatiba!” antolaturiko jardunaldi eta mobilizazioekin.
Ia 100 langileen batzorderen babesa
1. Ados muntaiak
2. Ahlstrom Munksjo
3. Alcorta Forgin Group S.A.
4. Alpa
5. Arizaga y Bastarrica y CIA S.A.
6. Arteca Caucho
7. Auzo Lagun
8. Beissier
9. Bellota
10. Bergarako Udala
11. Biele S.A.
12. Bosch
13. Bost Machine Tools Company
14. Bst Rots
15. Caf Beasain
16. Caf irun
17. Carrefour Oiartzun
18. Chinchurreta S.A
19. Club Deportivo Fortuna
20. Distribuidora Farmaceutica Guipuzcoana
21. Donostiako Udala
22. Echemar
23. Edesa Industrial S.A.
24. EITB
25. Elay Taldea
26. Electrotecnica del Urumea S.A
27. Elektra
28. Elkar
29. Etxe-Tar
30. Euskadi Irratia
31. Forjas Iraeta Heavy Industry S.L.
32. Fundacion Tekniker
33. Fundiciones del Estanda
34. GeslagunGaray
35. Geyser Recyd
36. GH
37. Gipuzkoako Eusko Jaurlaritza
38. Gipuzkoako Foru Aldundia
39. Gipuzkoako Posta / Correos
40. Gipuzkoako Urak S.A.
41. Giroa
42. GKN Driveline
43. Glual Hidraulica S.L.
44. Goratu Maquina Herramienta S.A.
45. Guascor Power
46. Haurtzaro ikastola
47. Iberdrola
48. Ikor
49. Ikusi
50. Indar
51. Industrial Salva
52. Industrias Gol
53. Inoxcra
54. Jaso Itsasondo
55. Juaristi Boring & Milling Machine SLU 56. Lidl
57. Man
58. Mariskone
59. Metalocaucho
60. Michelin
61. Niessen (abb)
62. Oiartzungo udala
63. Orbinox
64. Orereta ikastola
65. Papresa
66. Pasaia lezo lizeoa
67. Pasaiako portuko agintaritza 68. Pasaiako Udala
69. Plasticos alai
70. Punteados de Precisión S.L.
71. Quiron Hospitala
72. Recyde Elgeta
73. Refractarios Kelsen
74. Regal Beloit Spain
75. Rodisa
76. Ruedas roar
77. Sammic S.L.
78. San jose lopez
79. San Martin Egoitza
80. Sanmarkosene
81. Sapa Operaciones
82. Santo Tomas Lizeoa
83. Shchaeffler Iberia S.L.U
84. Talleres Guibe
85. Tecnalia
86. Thyssenkrupp
87. Ulahi
88. Uliazpi Fundazioa
89. Unialco
90. Voith Paper S.A.
91. Yurrita
92. Zarautzko La Salle Ikastetxea 93. Zardoya otis
94. Zorroaga Fundazioa
Hondakinen errausketaren eta kudeaketaren inguruko jardunaldia
Martxoak 20, asteartea
Euskal Herriko Unibertsitatearen Ibaetako Kanpuseko Ignacio Maria Barriola zentroko auditorioan:
09:30-10:30 Piotr Barczak, Europako ingurumen bulegoko hondakinen arduradun teknikoaren ponentzia: "Zibilizazio krisi ekologikoa eta hondakinen arazoa".
10:30-12:00 Sindikatuen mahai ingurua hiru blokeetan:
-Lan osasuna eta langileon bizi baldintzak: errauskailuak langileon lan osasunean dituen ondorioak eta horrek gure bizi baldintzatan duen eragina.
-Enplegua eta ingurumena: proiektuok zer nolako enplegua sortzen duten aztertu eta ingurumena errespetatzeko eman beharreko urratsak mahai gaineratu (enplegua vs ingurumena gaindituz). Zaborren kudeaketarako proposamenak.
Donostiako Bulebarretik Foru Aldundira:
12:30 Giza-katea, ekitaldia eta adierazpenak hedabideei.
Donostiako San Telmon:
18:00 “Angula ustelak” hitzaldia. Hizlariak: Ainhoa Intxaurrandieta, Igor Melchor, Piotr Barczak. Erraustegiaren inguruko negozio eta maniobra zikin ugariren inguruan azalpenak emango dituzte.
Donostiako San Telmotik Foru Aldundi aurrera:
19:30 Giza katea.
Antolatzaileak: Errausketaren Aurkako Mugimendua, EAM, ELA, LAB, CCOO, ESK, STEILAS, EHNE, HIRU, COBAS, BIOLUR, Baserri XXI, OlatuKoop, Donostia Bizirik.
