Ospakizun urtea du Udarregi Ikastolak, 50. urtemugara heldu baita. Ikastolaren mende erdia ez da oharkabean pasako. Hainbat ekimen berezi antolatzen ari dira hurrengo hilabeteotarako. Tartean, punta-puntako bertsolariek girotuko duten bazkaria antolatu du Udarregik apirilaren 14rako 14:30etan ikastolako jangelan, Bota Punttuba bertso eskolarekin erkarlanean, eta Aratz erretegiaren, Labe Goxoren, Mitarte bodegaren eta Usurbilgo Udalaren laguntzaz.
Egaña eta Lujanbio, kantari
Andoni Egaña eta Maialen Lujanbio gonbidatu dituzte bertso-bazkari honetara. Adi, Zabaleta anaiek prestatuko duten menua dastatu eta bertso saio ederraz gozatzeko txartelak aurrez eskuratu beharko dira, Bordatxo eta Aitzaga tabernetan, edota Udarregi Ikastolako idazkaritzan.
Txartela, laster salgai
Egunotan jarriko dituzte salgai, 20 eurotan. 15 eurotan, haur, ikasle eta langabetuentzat.