Usurbilek dituen altxorretan barrena ibilaldi interesgarria antolatu du Usurbilgo Udalak larunbat honetan, apirilaren 7an; “Harria Hitz” bisita gidatua, goizeko 10:00etan, Usurbilgo frontoitik abiatuta. Gehienez 25 lagunei zuzendua egongo denez, aurrez izena eman beharra dago.
“Gipuzkoako artista garaikideek nazioarteko ospe eta izena lortu zuten: Txillida, Oteiza, Mendiburu, Basterretxea... Arte-sorkuntzaren bidez gipuzkoar eta euskotar izateko modu bat asmatu eta zabaldu zuten. Mendibururen eskultura, Usurbilgo Plaza eta Zumetaren murala bisitatuko ditugu, hala sorkuntza-ondarearen arteko harremana aztertuz nola kultura-kontzeptuen hedapena azalduz”. Honatx egitaraua:
Apirilak 7, larunbata
10:00 Usurbilgo frontoian elkartu.
10:15 TxTxTx (Txokoaldeko Txalaparta Txokora) bisita.
11:30 Harria Hitz bisita gidatua herrigunean.
13:00 Zumeta Arte Estudiora bisita.
14:15 Amaiera.
Informazioa eta erreserbak:
605 729 802, info@ereiten.com
Antolatzailea: Usurbilgo Udala.
