Oporretatik itzuli dira ikasleak, baina primeran pasa ostean. Erreparatu bestela Usurbil Futbol Taldetik helarazi dizkiguten ondoko argazkiei. Aurreko asterako kirol txokoak antolatu zizkieten Lehen Hezkuntzako haur eta gaztetxoei. Futbol kluba izan arren, denetariko kirol jarduerez gozatzeko aukera izan zuten. Horixe baitzen helburua; oporraldian, bizi ohitura osasuntsuak sustatuz, kirola eginez primeran pasatzea. Ondoko irudiak, apirilaren 3tik 7ra bizi izan duten guztiaren adierazgarri.
Aipatu moduan, oporrak amaitu zaizkie ikasleei. Atzotik liburu artera itzuliak dira, kirol taldeen antzera. Asteburu honetan ohiko jardunera bueltatuko dira herriko futbol eta eskubaloi jokalariak. Honatx, Haranen eta Oiardo Kiroldegian aurreikusiak dauden neurketak. Usurbil F.T.-k eta Usurbil K.E.-k helarazi dizkigute partiden ordutegiok:
Irudiak: Usurbil F.T.
DATORREN ASTEBURUKO NEURKETAK
FUTBOLA HARANEN
Apirilak 14, larunbata
09:30 Alebin neskak:
Udarregi 6-Langile A
Udarregi 5A-Udarregi 5B
10:30 Infantil neskak: Usurbil F.T.-Goierri Gorri F.K. “A”
12:00 Kadete neskak: Usurbil F.T.-Aloña Mendi K.E.
15:30 Erregional mutilak: Usurbil F.T.-Ilintxa S.D.
Apirilak 15, igandea
10:00 Futbol Eskola 2007: Usurbil F.T.-Texas Lasartearra C.F.
17:00 Jubenil mutilak: Usurbil F.T.-Mariño C.D.
ESKUBALOIA KIROLDEGIAN
Apirilak 14, larunbata
09:30 Alebin mutilak, Gipuzkoa: Udarregi 5A-Urnieta 5B
11:15 Infantil neskak, Gipuzkoa: Udarregi B-Aloña Mendi B
12:30 Kadete mutilak, Territoriala: Usurbil K.E.-Bergara
16:00 Kadete mutilak, Euskal Liga: Usurbil K.E.-Bidasoa
19:30 Senior mutilak, Lehen Nazionala: Usurbil K.E.-Egia