Jada 58 herri mugimendu eta sindikaturen babesa jaso du, maiatzaren 19tik 26ra Donostian deitu duten Bizitza Da Handiena borroka sozialen asteak. Tartean, gogoan izan, ondoko irudian ageri den moduan, usurbildarrena, baita Errausketaren Aurkako Mugimenduarena ere. "Errausketaren Aurkako Mugimenduak bat egiten du larunbatean ekingo zaion #bizitzadahandiena egitasmoarekin eta dei egiten dugu guk ere larunbatean Bulean 10:30etan agertzeko. Borroka sozialen aste honetan aktiboki parte hartuko dugu", iragarri dute ohar bidez.
Oharra azken hilabeteotan bildutako sinadura bilketaren kanpaina amaiera egunaren biharamunean helarazi dute. Jada 58 eragileek bat egin dute Bizitza Da Handiena borroka sozialen astearekin, "boteretik herritarron gehiengoaren aurka eta gutxiengo baten alde inposatzen ari diren politikei aurre egiteko". Segidan duzue zerrenda.
Herritarrei ere deia. "Herritar guztiei dei egiten diegu #bizipoza hartuta kalera ateratzeko, ekimen mordoa prestatu ditugu eta aste zoragarria izango da! Etxean eta desanimatuta nahi gaituzten arren, kalea bizi-bizirik dago, eta aste hau beste froga bat izango da", iragarri dute sare sozialen bidez.
HITZORDUAK
Maiatzak 19, larunbata
10:30 Donostiako Bulebarrean biltzeko deia.
12:00 Prentsaurrekoa.
Atxikimenduak
1) Abaraska etxebizitza kooperatiboa
2) Adi! ustelkeriaren aurkako elkartea
3) Aingura kofradia
4) Aiuri Antiespezista
5) Alde Zaharreko gazte asanblada
6) Alderdi Ederreko Pentsionisten Asanblada
7) Aman Komunak
8) Amara Berriko Superxagu Jai Batzordea
9) Araba, Bizkaia, Gipuzkoa eta Nafarroako Pentsionisten Asanbladak
10) Arrasateko Gazte Alternatiboen Kofradia Organizatua
11) Askapena
12) Askekintza
13) Azkoitiko MataderoEkintzak
14) Bakea eta Duintasuna
15) BiziLagunEkin plataforma
16) CDR Tolosaldea Goierri
17) CNT sindikatua
18) Diario Fatxo
19) Donostiako Asanblada Feminista
20) Donostiako Ikasle Abertzaleak
21) Donostiako Komite Internazionalistak
22) Donostiako Zinemaldi Alternatiboa
23) ELA sindikatua
24) ESK sindikatua
25) Eguzki
26) Ernai
27) Erraustegiaren Aurkako Mugimendua
28) Eskifaia kofradia
29) Euskal Herrian Euskaraz
30) Euskal Herriko Bilgune Feminista
31) Firestone
32) Gelditu Metroa Antiguon
33) Gipuzkoa Zutik
34) Groseko Asanblada Feminista
35) Guardetxea
36) Hazten Hasten kultur egitasmoa
37) Hondarpe Groseko Auzo Elkartea
38) Hotel + EZ
39) Jaizkibel Herriarena
40) Kalera Kalera
41) Kimera Antiespezista
42) Kortxoenea
43) LAB sindikatua
44) Langileen Babes Sarea
45) Letaman gaztetxea
46) Manu Robles Arangiz Fundazioa
47) Marruma Kulturalak
48) Oraingoan Bai
49) Oñatiko Antixena gaztetxea
50) Plaza Feminista
51) Pototak Asanblada Feminista
52) Pottogorriak, Arrasateko talde feminista
53) Salatu
54) Sare Antifaxista
55) Satorralaia
56) Txantxarreka gaztetxea
57) Txitxibitxiak Antiguako Talde Feminista
58) Zergatik ez?
BIZITZA DA HANDIENA MUGIMENDUAREN ADIERAZPENA
MAIATZAREN 19an, larunbata, 10:30ean DONOSTIAKO BOULEBARREAN.
NOR GARA? Herri mugimendu eta sindikatu ugarik bat egin dugu bat Bizitza Da Handiena kanpainarekin, agintetik aurrera eramaten ari diren herritarron aurkako politikei aurre egin behar zaiela uste dugulako. Behar izugarria dago, egoerak eskatzen du, eta horren froga da batu garen eragile eta herritarren aniztasuna. Aste honetan egingo dugu publiko kanpainarekin bat egiten dugun eragileon zerrenda ederra. Kanpainaren filosofiarekin bat datozen Euskal Herriko herri mugimendu eta sindikatuei atxikimendua eskatu nahi diegu, deialdia indartze aldera. Atxikimendua eman nahi izanez gero idatzi bizitzadahandiena [abildua] gmail . com helbidera ostegun iluntzea baino lehen.
EZ GARA EZEREZETIK ABIATZEN: Mundu mailan ematen diren esperientzia ugariren iturritik edaten dugu, baita Donostian gertatu direnetatik ere: Azken urteetako desobedientzia ekimen masibo batzuk aipatzearren, atxiloketen aurkako herri harresien, etxe kaleratzeen aurkako borrokaren, 15M, Nuit Debout edo erraustegiaren aurkako kanpaldiaren, “M8 “emakumeok* planto” izenpeko greba feministaren, prekarietatearen aurka langile mugimenduaren dinamiken eta pentsionisten mobilizazioen bidetik borrokatuko dugu, besteak beste. Borroken artean loturak egiten saiatuko gara, guk nahi badugu, dena lotuta dagoelako
NOLA EGINGO DIEGU AURRE? Desobedientzia zibila, kolaborazio-eza, ekintza zuzena, erresistentzia izango dira gure borrokarako tresna lege eta politika injustuei aurre egiteko; beren bortxa agerian utziko dugu guk biolentziarik erabili gabe. Erasoen aurrean elkartasuna izango da tresnarik indartsuena. Dena kontrolpean edukitzera ohitu direnen aurka egiteko borroka molde berriak asmatzen ari gara, kultura politiko berri bat egunez egun eraikitzen. Egingo dugun ekimenari adjektiboak jartzen hasi baino, gure ekintzen bidez azalduko diogu Euskal Erregimenaren ereduari kontrapuntua.
ZERGATIK? Etxean eta desanimatuta nahi gaituzten arren, kalea bizi-bizirik dago. Protestara kalera ateratzeko arrazoiak pilatzen ari zaizkigu, horregatik emango dugu erantzun bateratua.
DEIALDI GARRANTZITSUA: Maiatzaren 19an denok Donostiako Bulebarrean, 10:30ean. Garrantzitsua izango da adin eta esparru ezberdinetako jendea bildu eta denok bertan gustora sentitzea, gure lekua daukagula ikustea. Horregatik, aste honetan, era guztietako konpromisoak, denak balorean jarriko ditugu. Beraz, larunbatean, den denok Boulebardera, lehen egunean jende asko biltzea garrantzitsua izango da.
Bertan ikusiko dugu elkar!
Sare sozialen helbideotan aurki dezakezue Bizitza Da Handiena plataforma:
