Martxoan zehar gaurko nahiz atzoko ikastolako kideek grabaturiko 50. urtemugako diskoa aurkeztu dute gaur arratsaldean frontoian, Idoia Torregaraik aurkeztu eta Jaione Eskudero Udarregiko musika irakasleak zuzendu duen ekitaldian. Ikasle eta hezitzaileek parte hartu dute kantaldian, baita herriko hainbat musikariek ere. Tartean, urtemuga berezi honi begira Luken Arkarazok sorturiko abestia kantatu du ikasle ohi talde batek. Egun musikari ezagunak direnak herri mailan eta Usurbildik kanpo.
Gaur arte Ikastolako soinu banda nagusia genuena; "Gattunk" abestia kantatuz eta dantzatuz amaitu dute ekitaldia. Gogoan izan, 12 kantuz osaturiko bilduma eskuragarri duzue 6 eurotan Lizardi eta Laurok liburu dendetan, Bordatxo tabernan eta Udarregi Ikastolan.
https://youtu.be/9BXvNb2gT_o
