Abiatu dute Donostian, Bizitza Da Handiena aldarripean, borroka sozialen astea. "Herritarron gehiengoaren aurka eta gutxiengo baten alde inposatzen dizkiguten politika eta erabakiei aurre egiteko astea izango da", datorren hau, gaur hasi eta maiatzaren 27ra arte luzatuko dena. Hamaika borroka sozialen astea (tartean, erraustegiaren aurkakoa ere izango da); "herri mugimendu eta sindikatu mordoaren indarren bateratze hau baliatuko dugu egunero-egunero zapaltzen gaituzten horiei aurre egiteko, herri boterea eraikitzen jarraitzeko", iragarri dute aste honen abiatzean Donostian egin duten agerraldian.
10:30ean Bulebarrean jarria zuten biltzeko hitzordua. Hala egin dute, eta gero kalejiran Donostiako erdigunerantz jo dute. Gipuzkoa plaza Askatasuna hiribidearekin lotzen duen Idiakez kalea, 6raino. Helbide horretan aspalditik hutsik zegoen eraikin publikoa okupatu dute. Borroka sozialen aste honen erreferentzia puntua izango da eraikin hau. Atarian eskaini dute prentsaurrekoa eguerdian, hurrengo egunotarako xehetasunak eskaintzeko. Tartean, egunero 19:30ean asanblada egingo dela iragarri dute.
60 bat herri mugimenduk eta sindikatuek bat egin dute ekimenarekin. Herritarrak kanpaldi honetan parte hartzera deitzen dituzte. "Aste oso bat ekimenez josiko dugu, kolorez jantziko dugu Donostia, elkartasunetik, alaitasunetik eta herritik borrokatuz. Astebeteko kanpaldi bat egingo dugu horretarako. Astebeteko kanpaldi bat abiatuko dugu, eta herritar guztiak deitzen ditugu arratsaldero 19:30ean egingo den asanbladan parte hartzera".
AGERRALDIKO ADIERAZPENA
Iritsi da udaberria!
Ezerezetik bezala, baina batez ere behetik gora, herritarrok sorpresa eman dugu: maiatzaren 19tik 27ra handiena bizitza dela aldarrikatuko dugu kalean eta elkarrekin! Has dadila festa!
Bizitza Da Handiena kanpaina; borroka sozialen aste hau, herri mugimendu eta sindikatu mordoaren indarren bateratze hau baliatuko dugu egunero-egunero zapaltzen gaituzten horiei aurre egiteko, herri boterea eraikitzen jarraitzeko.
Herritarron gehiengoaren aurka eta gutxiengo baten alde inposatzen dizkiguten politika eta erabakiei aurre egiteko astea izango da.
Horren adibidea da 78ko Euskal Erregimeneko indar politikoek inposatu nahi diguten turismo eredu suntsitzailea. Turismo politika horren aurka hainbat herri ekimen garatu genituen Donostian joan den urtean, eta zein izan da herri protesta horren aurrean instituzioek emaniko erantzuna? Batetik, hotel bat okupatu zuten 20 bat gazte donostiar auziperatu dituzte; bestetik, herritarrak zigortzeko isunak iristen hasi dira; eta, azkenik, inolako lotsarik gabe, agintariek diru publikoa xahutuko dute Turismoaren Munduko Erakundearen batzarra Donostian antolatuz. Herritarrez trufatu dira berriro ere. Eskandalu bat da. Nola ulertu horrelako jokabide arduragabea Donostian, hain justu turismoak itota duen gure hirian?
Desastre horren aurrean, herritar guztiei dei egiten diegu bizipoza hartu eta kalera ateratzeko, kaleak guztionak direla ozen esateko, eta ez kameraz bete eta bertan aurrez baimenik eskatu gabe biltzen garenean polizia bidaltzen duten instituzioetako jauntxoenak.
Aste oso bat ekimenez josiko dugu, kolorez jantziko dugu Donostia, elkartasunetik, alaitasunetik eta herritik borrokatuz. Astebeteko kanpaldi bat egingo dugu horretarako. Astebeteko kanpaldi bat abiatuko dugu, eta herritar guztiak deitzen ditugu arratsaldero 19:30ean egingo den asanbladan parte hartzera.
Etxean eta desanimatuta nahi gaituzten arren, kale bizi-bizirik dago, bizi-bizirik gaude, gainean dauzkagun haiek nahi ez badute ere.
60 herri mugimendu eta sindikatuk babesten dugu mugimendu hau, beraz, instituzioei dei zuzen eta garbia egiten diegu: Herria gu gara, eta antolatuta gaude. Gutako inori eraso egiten badiozue, gutako guztiok erasotuko gaituzue, herria erasotuko duzue. Zuen bulegoetan herritarrak kontuan hartu gabe hartzen dituzuen erabakiak gure kontra doaz zuzenean, eta guk, bulegoak baino, plazak nahiago ditugu. Bizitza dugu aldarri eta horren alde egingo dugu.
Guk garbi diogu: ez dugu biolentziarik erabiliko, eta espero dugu boteretik ere ez erabiltzea. Lege eta politika injustuei aurre egiteko gure tresnak desobedientzia zibila, kolaborazio-eza, ekintza zuzena eta erresistentzia izango dira.
Eraikin publiko honetan sartu gara, urteak direlako hutsik dagoela hiri erdian, herritarren beharrak izugarriak direnean. Eraikin publikoak ez dira administrazioarenak, herritarronak dira, publiko hitzak ongi dioenez. Horregatik ireki ditugu ateak eta gardentasun osoz diogu, astebeteko Bizitza Da Handiena kanpainak iraun bitartean egnogo garela hemen.
Okupazio mugimenduarekin lan egiten duten abokatuek argi diotenez, polizia ezin da sartu eraikin hau desalojatzera 10 eguneko epean, eta beraz, gu 7 egun egongo garenez, argi jakinarazi nahi dugu, sartuko balira legea hautsiko luketela eta azken xehetasuneraino dokumentatuko genukeela gertakaria. Horrez gain, gure eskubideen aurka, eraikin honetatik botatzea erabakiko balute, kanpaldia egingo genuke hiriko plazetan. Beraz, bi aldiz pentsatu dezatela egin behar dutena. Izan ere, Donostialdean Udaltzaingoak, Ertzaintzaren laguntzaz, burutu dituen azken hiru kaleratzeak legez kanpokoak izan dira eta Erregimenaren prentsak gertakari larri hauek ezkutatu baino ez ditu egin.
https://youtu.be/UvDAEz0GwkQ
Atxikimenduak
1) Abaraska etxebizitza kooperatiboa
2) Adi! ustelkeriaren aurkako elkartea
3) Aingura kofradia
4) Aiuri Antiespezista
5) Alde Zaharreko gazte asanblada
6) Alderdi Ederreko Pentsionisten Asanblada
7) Aman Komunak
8) Amara Berriko Superxagu Jai Batzordea
9) Araba, Bizkaia, Gipuzkoa eta Nafarroako Pentsionisten Asanbladak
10) Arrasateko Gazte Alternatiboen Kofradia Organizatua
11) Askapena
12) Askekintza
13) Azkoitiko Matadero Ekintzak
14) Bakea eta Duintasuna
15) BiziLagunEkin plataforma
16) CDR Tolosaldea Goierri
17) CNT sindikatua
18) Diario Fatxo
19) Donostiako Asanblada Feminista
20) Donostiako Ikasle Abertzaleak
21) Donostiako Komite Internazionalistak
22) Donostiako Zinemaldi Alternatiboa
23) ELA sindikatua
24) ESK sindikatua
25) Eguzki
26) Ernai
27) Erraustegiaren Aurkako Mugimendua
28) Eskifaia kofradia
29) Euskal Herrian Euskaraz
30) Euskal Herriko Bilgune Feminista
31) Firestone
32) Gelditu Metroa Antiguon
33) Gipuzkoa Zutik
34) Groseko Asanblada Feminista
35) Groseko Jai Batzordea
36) Guardetxea
37) Guneak Zabaltzen
38) Hazten Hasten kultur egitasmoa
39) Hondarpe Groseko Auzo Elkartea
40) Hotel + EZ
41) Jaizkibel Herriarena
42) Kalera Kalera
43) Kimera Antiespezista
44) Kortxoenea
45) LAB sindikatua
46) Langileen Babes Sarea
47) Letaman gaztetxea
48) Manu Robles Arangiz Fundazioa
49) Marruma Kulturalak
50) Olatukoop
51) Ongi Etorri errefuxiatuak
52) Oraingoan Bai
53) Oñatiko Antixena gaztetxea
54) Plaza Feminista
55) Pototak Asanblada Feminista
56) Pottogorriak, Arrasateko talde feminista
57) Salatu
58) Sare Antifaxista
59) Satorralaia
60) Su Txikian elkarte feminista
61) Txantxarreka gaztetxea
62) Txitxibitxiak Antiguako Talde Feminista
63) Zergatik ez?
Sare sozialen helbideotan aurki dezakezue Bizitza Da Handiena plataforma:
https://bizitzadahandiena.wordpress.com
