Badoaz oporretara, baina ez aurretik urtean zehar eskola barruan eginiko lanketa plazaratu gabe. Eta horretan hasiak dira. Udako atsedenaldiaren atarian, Zumarte Musika Eskola kontzertuekin agurtzen hasia da 2017-18 ikasturtea. Santueneko frontoian eskaini dute gaur lehen emanaldia, pop-rock, folk eta gitarra taldeek.
Kontzertu birak datorren astean izango du segida:
Ekainak 19, asteartea
18:00 Musika Txokoko talde eta Kantu-Kantari taldeen emanaldia Ikastolako areto nagusian.
Ekainak 20, asteazkena
19:00 Zumarte Gazte Abesbatza eta saxo-pianoko taldeen emanaldia Kalezarreko elizan.
Ekainak 21, osteguna
17:45 Tritikitxa-pandero talde eta txarangaren kalejira.
18:30 Talde instrumental desberdinen emanaldia Sutegin.
Antolatzailea: Zumarte Musika Eskola.
