Gaztetxoek gogotsu hasi dute San Juan eguna Kalezar auzoan. Lau talde ezberdinetan atera dira, adinaren arabera sailkatuta. Txikienen taldeak izan ezik, gainontzeko hiru taldeek bi itzuli osatu behar izan dituzte. Erorikoren bat izan da baina ezer larririk ez. Amaieran, patata frijitu poltsa bana jaso dute partehartzaile denek.
Arratsalde partean sormenari eragiteko aukera izan dute gaztetxoek, guraso taldeak antolaturiko tailerrei esker. Eta arratsaldea bapo askalduz borobildu dute, txokolate jan ederrarekin.
