Ohi denez, jolaserako gogo eta abilezia handia erakutsi dute etxeko txikienek, larunbat goiz honetan ospatu den Atxegaldeko jaien Haurren Egunean. Lurra lantzen ikusi ditugu, sormenari marraztuz eragiten, edota talde lana, elkarlana bultzatzen zuten hainbat jolas kooperatiboetan parte hartzen. Goizeko saiakerak merezitako saria izan du eguerdi partean, parte hartzaileen artean ospatu den oparien zozketarekin. Ikusmina eragin du uneak gaztetxoen artean.
Mus txapelketa edota gaztetxoentzako Bubble Soccer jolasa iragarri dira arratsalde parterako. Herri afaria eta parranda gau luzea segidan:
ATXEGALDEKO JAIAK
Abuztuak 25, larunbata
16:00 Mus Txapelketa.
(15:30-16:00 muserako izen ematea)
18:00 Bubble Soccer, haurrentzako jokoa.
Segidan, txokolatada eta buruhandiak.
21:00 Herri afaria, Aritz eta Ruben musikariek lagunduta.
(txartelak Artzabal, Bordatxo eta Txirristran salgai, 15€)
Gauean: Eromeria (Berbena),DJ Elepunto.
Abuztuak 26, igandea
11:30 Toka txapelketa.
Jarraian, haragi, txorizo eta salda banaketa.
17:00 Mastertxeff Txiki; sukaldari lehiaketa.
18:30 Bertso musikatuak.
Bertsolariak: Alaia Martin, Ohiana Iguaran, Jon Maia eta Iñigo Mantzisidor “Mantxi”.
Gai Jartzailea: Haritz Casabal “Kazz”.
Musikariak: Gari Otamendi (bibolina) eta Ixak Arruti (kitarra).
22:00 Azken traka.
Antolatzailea: Atxegaldeko Jai Batzordea.
