Sare sozialetan nahiz whatsapp bidez, zuetako batek baino gehiagok izango zuen uda honetan, Eli eta Patxiren abenturen berri, bideo ezberdinetan (albiste honi atxikiak dituzue, orain arte argitara eman dituztenak). Datorkigun Euskaraldia girotzen aritu zaizkigu. Gure hizkuntzaren erabilera areagotzeko azaroaren 23tik abenduaren 3ra Euskal Herri mailan ospatuko den ekimenean esku hartzen hasteko garaia da. Antolaketa lanekin segitzeko batzar irekia deitu du talde eragileak irailaren 6rako. Eta bi aste barru, ahobizi nahiz belarriprest guztientzako izen ematea zabalduko da. Adi beraz datozen deialdiei:
Irailak 6, osteguna
18:00 Euskaraldia prestatzeko batzar irekia Potxoenean.
Irailak 19, asteazkena
19:00 Solasaldia Olatz Altuna eta Inaxio Usarralde herritarrekin Sutegin: “Euskaraldia: zergatik eta zertarako?”. Antolatzailea: NOAUA! K.E.
Irailak 20, osteguna
Euskaraldian izen emateko epearen irekiera.
Azaroak 23-abenduak 3
Euskaraldia.
Informazio gehiago:
Facebook: Euskaraldia Usurbil
Twitter: @EuskaraldiaUsur
Youtube: Euskaraldia Usurbil
Antolatzailea: Euskaraldia Usurbil.
Udala Euskaraldiarekin bat eginik
Euskaraldia udal barruan sustatzeko erakunde adierazpena onartu zuten uztailaren 24ko osoko bilkuran, ahobatez onartu ere. Argazki hau da akordioaren lekuko. EHBildu, EAJ-PNV eta PSE-EE alderdietako ordezkariek osatzen dute udalbatza-plenoa eta hiru alderdietako bozeramaleak euskaldunak dira. Plenoak euskara hutsean egiten dira Usurbilen.
Euskaraldiarekin bat egin eta geure hizkuntzaren erabilera areagotzea helburu duen ekimena “erakunkizunez eta eredugarritasunez” udal barruan sustatzeko konpromisoa hartu zuten. “Ahalik eta ahobizi eta belarriprest gehien aktibatzeko urratsak emango ditugu”. Herritarrak ere parte hartzera gonbidatuko ditu. Eta horrekin batera, “neurriak hartuko ditu hizkuntza-praktika horiek posible izan daitezen eta praktika horiei etorkizunean eutsi ahal izateko”. Bai herri mailan baita Gipuzkoan ere. Herrialde mailan Euskaraldia elkarlanean eta batera garatzearekin bat egiten du Udalak, “lurralde mailako politika bateratu bati begira”.
https://youtu.be/cSqzFtU6M4M
https://youtu.be/vI9vhSFj2e4
https://youtu.be/eFbILn-cZ4U
https://youtu.be/NkDzmtZLvRU
https://youtu.be/EKqLqF2TjMg
https://youtu.be/5Y-hJycEZAc
https://youtu.be/ke7Htzunng4
https://youtu.be/N7TllHPz4jc