Kirol hitzorduz josia datorkigu asteburua. Denetarik izango dugu. Igandean Donostian, hainbat usurbildar Kontxako Bandera etxeratzeko lehiatzen ariko diren artean, Zubietan Endika Abril Errebote Txapelketako edizio berria abiatuko da. Andatzakoak, Gipuzkoako Biraren 6. etapa osatzera joango dira, Arlaban-Arantzazu arteko bidea osatzera. Haur eta gaztetxo hainbat ikusiko ditugu bestalde Haranen, lagun arteko Usurbil Cup ekimenaren 3. jardunaldia jokatzen. Segidan dituzue xehetasunak:
ASTEBURUKO KIROL HITZORDUAK
Zubieta, Endika Abril Errebote txapelketa abiatzeko prest
Igandean irailaren 9an abiatuko da Endika Abril errebote txapelketa, eta honekin, 2018-19 denboraldiko Gipuzkoako lehiaketa ofizialak. Aurtengo edizioak Euskal Herriko lau talde lehian jarriko ditu, Gipuzkoako Behar Zana (Villabona), Txost (Oiartzun) eta Zubieta (Zubieta) eta Lapurdiko Luzean (Donibane Lohizune). Lehen jardunaldiko neurketetako bat Zubietan jokatuko da. Etxekoak Txost taldekoen aurka neurtuko dira, igande goizeko 11:00etan hasita. Irailaren 16an ordu eta leku berean, Luzean taldekoekin lehiatuko dira zubietarrak. Eta hilaren 23an, Behar Zanarekin Villabonan.
Irailaren 23ra arte luzatuko da itzuli batekoa izango den ligaxka, eta aldaketarik ez bada, irailaren 30ean Zubietan jokatuko da final handia 11:00etan.
Jardunaldi erabakigarria Kontxan
Lehen jardunaldian lehiatu ziren usurbildarrak pozik egoteko moduan dira. Lehen postuetan sailkatu ziren. Emakumezkoen txapelketan, Sarai Lizaso eta San Juan izan ziren garaileak. Nagore Arrutik eta Donostiarrak seigarren amaitu zuten.
Gizonezkoetan, Alex Udabe eta Hondarribia bigarren. Eta bosgarren postuan sailkatu ziren Josu Ostolaza, Jon Agirrezabala eta Odei Arrizabalaga Orioko ontziarekin.
Igande honetan argituko da Kontxako Ikurriña nork etxeratuko duen. Irailaren 9an goizeko 11:00etan hasita, Donostiako estropaden bigarren eta azken jardunaldia. Gogoan izan, hiriburura joateko tren zerbitzu bereziak antolatu ditu Euskotrenek.
KONTXAKO BANDERA: 1. jardunaldia
Emakumezkoen txapelketa
1-San Juan 10:41.66
2-Riveira 10:47.76
3-Orio 10:48.86
4-Arraun Lagunak 10:55.40
5-Hibaika 11:01.42
6-Donostiarra 11:06.66
7-Kaiku 11:06.76
8-Tolosaldea 11:15.66
Gizonezkoen txapelketa
1-Zierbena 19:26
2-Hondarribia 19:27
3-Santurtzi 19:41
4-Cabo 19:43
5-Orio 19:47
6-Donostiarra 19:59
7-San Pedrotarra 20:01
8-Bermeo Urdaibai 20:16
Kontxako Bandera
Bigarren jardunaldia: irailak 9.
Ordutegia:
11:00 Emakumezkoen estropadak.
12:00 Gizonezkoen estropadak.
Arlaban-Arantzazu irteera
Urte hasieratik Gipuzkoari ematen ari diren biraren baitan, Arlaban-Arantzazu arteko seigarren etapa antolatu du Andatza M.K.T.-k igande honetarako, irailaren 9rako, Leintz-Gatzaga-Arantzazu artean. 7:30etan abiatuko dira autobusez Oiardo Kiroldegi paretik. Guztira, 27 kilometroko ibilbidea osatuko dute mendizaleek. Txangorako izen ematea itxita dago. Informazio gehiago: andatza.com
Usurbil Cup, 3. jardunaldia
Dagoeneko 3. jardunaldiaren atarian da Usurbil Cup txapelketa. Irailaren 22ko finalen egun handira arte, asteburuetan eta asteazkenero jokatuko dira lagun giroko haur eta gaztetxoen arteko neurketak Haranen. Honatx Usurbil F.T.-k egunotarako iragarri dituenak. Aldaketak egon daitezke:
3. jardunaldia
Haranen:
Irailak 7, ostirala
Minibenjaminak
17:00 Trumoi-Prest
17:00 Suziriak-N.I.
17:25 Prest-Arrospide Banaketak
17:35 Otar Goxo-Incoman
17:50 Arrospide Banaketak-Trumoi
LH 3-4
17:00 Kaffa-Atallu Autoak
17:50 Gerlariak-Itzira
18:40 Zonbiak-Txirinbolo
LH 4-5 neskak
17:00 Ivan Perez-Txalaka
17:50 Itzira Eraikuntzak-Aratz Erretegia
Irailak 8, larunbata
LH 5-6 mutilak
10:00 Aizpurua Okindegia-Suzko Taldea
10:50 Futbolari Basatiak-Mur
LH6- Infantil neskak
10:00 Goieko-Bertako Igogailuak
10:50 Maiur-Marije
11:40 Txiriboga-Aitzaga
Infantil mutilak
10:00 Laurok-Artzabal
10:50 Zeta Skuad-Goieko
11:40 Perkuak-Zakilixut
Atsedena: Opil Goxo (LH 5-6 mutilak) eta Climalat (LH 4-5 neskak)
Antolatzailea: Usurbil F.T.