Goitik behera busti dira Santuenean abiatu berri dituzten festetan. Txupinazoa jaurti eta Tragoxkak zerbitzaturiko txokolate gozoa dastatu ostean, auzoko plaza, tradizio luzea duen globo gerra handiaren jokalekuan bilakatu da. Eta inor ez da santuenearrek azken egunotan urez betetako milaka globoen zipriztinetatik libratu. Bai partaideak, baita globo gerra ikustera hurbildutako bat baino gehiagok amaitu dute busti busti eginda. Goitik behera blai.
Jendea nahikoa busti izan ez balitz bezala gainera, euritara ere jo du afalaurretik, sardina janerako ilara luzeari argazkiak ateratzen ari ginela. Afari merienda ederra egin du batek baino gehiagok. Eta bitartean, Elektropapo herriko taldea jai giroa astintzen Santueneko kaleetan barrena.
Festak hasteko arratsalde borobila. Baina esandakoa, hasi baino ez dira egin Santueneko jaiak! Adi datozen ekitaldiei:
SANTUENEKO JAIAK
Irailak 21, ostirala
21:00 Herri afaria (Txartelak salgai, Ibai Ondon, Santueneko Zaharren Egoitzan, Tragoxkan eta Aitzagan).
23:30 Kontzertuak: Hartz, Gaitzerdi eta Dj-Ignacio del Fuego.
Irailak 22, larunbata
10:30 Umeen jolasak eta pintura lehiaketa.
13:00 Buruhandiak.
14:00 Haur bazkaria. (Norberak bere bazkaria ekarri, eta edariak eta postrea bertan banatuko dira)
16:00 Mus txapelketa. (15:30-16:00 izen ematea)
16:00 Haurrentzako puzgarriak.
17:30 Txokolatada Zaharren Egoitzaren eskutik.
19:00 Buruhandiak.
21:00 Musikarien afaria.
00:00 Dj UZI CUZY.
Irailak 23, igandea
11:00 Toka txapelketa.
12:00 Hamaiketakoa txosnan.
14:00 Herri bazkaria (Txartelak salgai, Ibai Ondon, Santueneko Zaharren Egoitzan, Tragoxkan eta Aitzagan).
17:00 Ttipika dantza gidatuak.
Ondoren, buruhandiak.
19:30 Piper dastaketa.
21:00 Festen amaierako traka.
Antolatzailea: Santueneko Jai Batzordea.
