Ate joka dugu urteko hitzordu gozoena. Igandean (azaroak 25) ospatuko dugu 20. Erle Eguna. Girotzen hasteko, erleei eta polinizazioari buruzko hitzaldia antolatu du Jakoba Errekondorekin Erle Lagunak taldeak, astearte honetarako:
Azaroak 20, asteartea
19:00 Hitzaldia Potxoenean: "Erleak eta polinizatzaileak nola erakarri, zer egin dezakegu?". Hizlaria:Jakoba Errekondo.
Azaroak 25, igandea
Usurbilgo frontoian:
9:00-10:00 Ezti eta gozogintza bilketa.
11:00-14:00 Erakusketa (erleak, eztia, ontziratzeko prozesua...), postuetako salmenta, marrazki lehiaketa, bideoak Sutegin.
13:30 Erleek beraiek ekarritako sari banaketa: Ezti Lehiaketako irabazleak/Gozogintzako irabazleak/ Marrazki lehiaketarako irabazleak. Ezti desberdinen dastaketa Euskal Herriko XX. Ezti lehiaketa eta gozogintza lehiaketa.
Antolatzailea: Erle Lagunak.