Bi egun barru azaroak 11 izango ditu, igandez egokituko da aurten. San Martin Eguna ostiral honetara aurreratu dute Udarregi Ikastolan. Haur Hezkuntza eta Lehen Hezkuntzako ikasleek gorazarre egin diote San Martin Egunari ostiral arratsalde honetan. Txerriari omenaldia egin diote. "Gure Kurrintxo, urtero ateratzen dugun txerria paretean itsatsi dugu".
Horrekin batera "Azaroak 11" kanta abestu dute, LH 4, 5 eta 6. mailetako ikasleek txirula jotzen zuten artean. Borobiletan jarrita, dantzan amaitu dute ekitaldia, eta klaseen aste hau.
