Ohi bezala, neguko oporren atarian, azken klase eguna eguberrietako kantak abesten eta hamaiketako goxoak dastatzen igaroko dituzte ikastetxeek. Abenduaren 21ean kantu-jira bereziak ospatuko dituzte Udarregi Ikastolak, Aginagako eta Zubietako eskolek. Udarregikoari dagokionez, nabarmendu beharreko aldaketa bat aurten. Haur Hezkuntzakoak goizean ez, Haur Eskolakoekin batera arratsaldez irtengo dira, etapa osoa (0-6) batzearren. Eta eguerdian, ikastola atarian abestuko dute. Honenbestez, 3-6 urte arteko haur eta gurasoei, Haur Eskolakoekin batera egingo den kalejiran parte hartzeko gonbita luzatzen diete Udarregi Ikastolatik.
Zubietan eta Aginagan goizean irtengo dira abestera. Aginagako Eskolakoak Aginagan barrena; Zubietakoak plazara, abestuz, hamaiketako ederra dastatzera.
Abenduak 21, ostirala
AGINAGAKO ESKOLA:
10:00ak aldera, kantuan irtengo dira Aginagako Eskolako ikasle, hezitzaile eta gurasoak, Aginagan barrena.
Antolatzailea: Aginagako Eskola.
ZUBIETAKO ESKOLA:
12:00 Gabon kantak senideekin Errebote plazan.
Ondoren, Guraso Elkarteak hamaiketakoa eskainiko du Zubietako plazan. Txistorra, edaria, musikaz lagunduta.
Antolatzailea: Zubietako Eskola.
UDARREGI IKASTOLA:
09:30-10:45 LH-DBH-ko ikasleen kantu-jira.
-LHkoen ibilbidea: "Agerialdetik ikastola gorrira, Haur Eskolara, Kale Zaharreko plazara, aldapatik jaitsi eta Eroskiko biribilgunera, Zubiaurrenea kaletik Bordatxoko biribilgunera eta handik ikastolara".
-DBHkoen ibilbidea: "Eraikin gorritik Mikel Laboa plazara, beheko botikako plazara, Artzabalera eta handik ikastolara".
12:10 HH-koen kantu saioa ikastola atarian.
16:45 Haur Eskolako familia, haur, hezitzaile, familia, lagunak... Haur Eskolako patioan elkartuko dira Kalexarretik Olentzero, Napoleon astoa eta Mari Domingiren etorrera ikusteko.
17:00 2-3 urteko geletan harrera egingo diete Olentzero eta Mari Domingini 2-3ko haurrek, guraso eta hezitzaileekin batera.
17:30 Haur Eskolako eta Haur Hezkuntzakoen gabon abestien bueltako kantu-jira Haur Eskolako jolastokitik frontoira.
18:15-18:30 aldera, Kalejiraren amaiera frontoian. Haur Hezkuntzako haurrentzako txokolate jana, musika girotua, pintxo eta sagardo dastaketa.
Antolatzailea: Udarregi Ikastola.