Mari Domingi bidelagun zutela kalez kale kantuan aritu dira euskal presoen eskubideen alde, Usurbilen Nahi Ditugu bilguneak deituta, astelehen arratsaldean ospatu den kantu-jira berezian. Hitzorduan zehar, Usurbildik 600 kilometrora, Valentziako Picassent espetxean segitzen duten Xua, Olatz Lasagabaster eta Patxi Urangaren etxeratzea eskatu dute beste urte batez.
Kantu-jira Kalezarren amaitu dute aurten. Olentzeroren ongi etorri jaialdiko kalejirara batu dira.
