Aurreko urteetan baino astebete beranduago, baina eskaintza zabalarekin bueltan dator Gabonetako Haur Parkea Oiardo Kiroldegira. Asteazken honetatik, urtarrilaren 2tik 4ra bihurtuko da Kiroldegia jolastoki erraldoian. 2-12 urte artekoei zuzendutako Gabonetako Haur Parkea ordutegi honetan zabalduko da, aipatu moduan, urtarrilaren 2tik 4ra: 11:00-13:00 / 16:30-19:30.
Ohi bezala, tailer desberdinen txokoak izango ditu parkeak; orriak markatzekoak, eskumuturrekoak, txotxongiloak, karetak, makilaiak… Txikientzako gunean puzgarriak, ludoteka, margolarien txokoa... egongo dira. Handientzako gunean ohe elastikoak, puzgarriak… Guztia doan!
Gainera, hitzordu bereziak izango dira egunero arratsalde partean:
Urtarrilak 2, asteazkena: 17:30 Talo tailerra
Urtarrilak 3, osteguna: 17:30 Ipuin kontalaria
Urtarrilak 4, ostirala: 17:30 Diskofesta.