Bazkideen urteko bilkura nagusia deitu du Gure Pakea Elkarteak ostiral honetarako, urtarrilaren 25erako; 16:00etan lehen deialdia, bigarrena 16:30etan. Gogoan izan bestalde, herriko hiru jubilatu elkarteek deituta, pentsio duinen aldeko elkarretaratzea egingo dela hilero moduan urtarrileko azken ostegunean, hilaren 31n 19:00etan Mikel Laboa plazan.
Eta otsailean, hitzaldi, bazkari, ibilaldi, kantu eta antzezlan saioekin hornituriko Jubilatu Astea eta bazkideen arteko txapelketak iragarri ditu Gure Pakeak. Egitarau zabal honen aurrerapena doakizue segidan:
Urtarrilak 25, ostirala
16:30 Gure Pakea Elkarteko bazkideen urteko bilkura nagusia.
Urtarrilak 31, osteguna
19:00 Pentsio duinen aldeko elkarretaratzea Mikel Laboa plazan.
Deitzaileak: Gure Pakea, Gure Elkartea eta Arrate Elkartea.
JUBILATU ASTEA
Otsailak 4, astelehena
18:00 Usurbilgo Kantu Taldearen saioa Artzabalgo ganbara handian.
Otsailak 5, asteartea
16:00 Hitzaldia Matia Fundazioko kide Nerea Galdonaren eskutik.
Otsailak 6, asteazkena
Goizean zehar, ibilaldia herrian barrena.
Eguerdian, bazkaria Aginaga Sagardotegian.
Otsailak 7, osteguna
16:30 Osakidetzaren eskutik, hitzaldia Artzabalen.
Otsailak 8, ostirala
17:30 Gure Pakea Elkarteko kideen eskutik, antzezlana Sutegiko auditorioan.
Otsailak 9, larunbata
17:00 Herriko eta inguruko soinujoleekin arratsalde pasa Sutegin.
Otsailak 10, igandea
12:00 Meza nahi dutenentzat.
14:00 Bazkaria Aginaga Sagardotegian.
JUBILATU ASTEAREN OSTEAN... BAZKIDEEN ARTEKO TXAPELKETAK
Otsailak 12, asteartea
16:30 Karta jokoak Artzabalen.
Otsailak 13, asteazkena
16:30 Toka eta igel jokoak Artzabalen.
Oharra: ekintzetarako izen ematea aurrez, Gure Pakea Elkarteak Artzabalen duen bulegoan.
Antolatzailea: Gure Pakea Elkartea.