Bueltan dator, Usurbilgo Udalak eta Ziortza Gazte Elkarteak hilero lehen igandeetan gaztetxoentzat antolatzen duten euskarazko zine zikloa. Oraingoan, "Ballerina" izeneko filma dakarkigute. Negu parte honetan, igande arratsalderako plan aproposa; Sutegiko aulkietan eroso jarri, eta film proiekzioaz gozatzea. Segidan dituzue xehetasunak:
EUSKARAZKO ZINEA HAURRENTZAT
Eguna: otsailak 3, igandea.
Ordua: 17:00.
Tokia: Sutegiko auditorioa.
Sinopsia: "Felicia neskatila umezurtz bat da, ausarta eta amets bakarrarekin: dantzari bilakatzea. Ametsa egi bihurtzeko bidean bere lagun min den Victorren laguntza izango du. Gazte asmatzaile honekin Feliciak abentura zirraragarriak biziko ditu Paris hiriburu magikoan".
Sarrera: 3 euro, egunean bertan.
Nori zuzendua: LH 1, 2 eta 3 mailetako ikasleei zuzendua.
Antolatzaileak: Usurbilgo Udala eta Ziortza G.E.
