Hondakinen kudeaketari lotutako esperientzia aitzindarien inguruko solasaldia asteartean, GuraSOSek antolatuta

Hondakinen kudeaketari lotutako esperientzia aitzindarien inguruko solasaldia asteartean, GuraSOSek antolatuta

Otsailaren 23rako Donostian (17:00, Antiguako tunela) adostasunaren alde deitua duen manifestazioa girotzeko lanketa betean da GuraSOS. Igandean Lasarten egin zuen ekitaldiaren ostean, astearterako (otsailak 12) finkatu du bigarren hitzordua. Hondakinen kudeaketari lotutako esperientzia aitzindariak hizpide dituen mahai-ingurua antolatu du 18:30etan, Donostiako Aiete Jauregian. Baleareetako Gobernuko kide, Eusko Jaurlaritzako sailburu ohi eta Hitzartu prozesuko Berme Batzordeko kide bat, eta Greenpeace-ko ordezkari bat gonbidatu dituzte hitzordura.

Motorrak berotzen

Hondakinen Otsailaren 23rako Donostian adostasunaren alde deitu duen manifestaziorako girotze lan betean da GuraSOS. Gogoan izan, hilaren 23an manifestazio handi bat iragarri du Gipuzkoako hiriburuan. 17:00etan Antiguako tuneletik abiatuko da, "Esan baietz adostasunari" aldarripean. "Hondakinen kudeaketa eredua baino askoz gehiago dugu jokoan otsailaren 23an. Gizarte eredua dugu jokoan, demokraziaren kalitatea, duintasuna eta gizarte bezala dugun etorkizuna. Horregatik denok esan baietz XXI. mendeko Gipuzkoako demokraziari". 

Aipatu moduan, manifestazio handi horri begira, bi ekitaldi iragarri ditu asteotarako. Lehenengoa igandean egin zuten Lasarten. Asteartean bigarrena; hondakinen kudeaketaren inguruko esperientzia aitzindariak hizpide dituen mahai-ingurua Donostian.

OTSAILAREN 23KO MANIFESTAZIOA GIROTZEKO DEIALDIAK

Otsailak 12, asteartea

18:30 Mahai-ingurua Donostiako Aiete Jauregiko Gandhi Aretoan: “Esperientzia aitzindariak hondakinen kudeaketan”. Partaideak:

-Sebastiá Sanso, Baleareetako Gobernuaren ingurumen eta hondakinen zuzendari orokorra.

-Lorea Flores, Greenpeace-ko kidea.

-Esther Larrañaga, Eusko Jaurlaritzako Ingurumen Sailburu ohia eta Hitzartu prozesuko Berme Batzordeko kidea.

Antolatzaileak: GuraSOS, Greenpeace eta Globernance.

Otsailak 23, larunbata

17:00 "Esan baietz adostasunari" aldarripean, manifestazioa Donostian, Antiguako tuneletik abiatuta.

Antolatzaileak: GuraSOS, Hitzartu.