Tokiko merkataritzak eta ostalaritzak ez du bidelagunik falta Usurbilen! Ikusi bestela ondoko irudiak. Lagun mordoa bildu du beste urte batez, urteko azken egun honetan ospatu den 9. Hurbilago San Silbestre Herri Lasterketak. Herriko komertzio guneari bi itzuli emanez bertako denda txikiei babesa adierazi diete herritarrek.
Belaunaldi ezberdinetakoek; haur, gazte eta heldu ikusi dugu lasterka batean. Batzuk lagun artean, besteak familia giroan. Bidean zehar lasterketarekin bat egitera animatu denik ere izan da.
Giro ederrean egin dute itzulia; gabonetako zuhaitza soinean zeramala ikusi ditugu bi lagun. Edota 2019ra jarri denik ere bai. Orbeldi Dantza Taldeko bi kideek apirilaren 13an ospatuko den 7. Dantza Eguna iragartzen zuen kartelarekin osatu dute ibilbidea.
Urtea lasterka batean amaitu nahi izan dutenak ikusi nahi badituzue, albiste honi atxikia doakizue ondoko irudi sorta eta bideoa.
