2019-20 ikasturterako matrikulazio epea ixtear ikastetxeetan

2019-20 ikasturterako matrikulazio epea ixtear ikastetxeetan

Ostiral honetan, otsailaren 8an itxiko dute, unibertsitatez kanpoko ikastetxeetan, alegia Haur Hezkuntza (HH), Lehen Hezkuntza (LH) eta Derrigorrezko Bigarren Hezkuntza (DBH) eskaintzen dutenetan, 2019-2020 ikasturterako aurrematrikulatzeko epea. 

Usurbilgo Udarregi Ikastolan, baita Aginagako eta Zubietako Eskola Txikietan ere aurreinskripzioak bideratzen hasteko azken orduak dituzue honako hauek. HHI-EPAn baita. Azken eguna, aipatu moduan, otsailaren 8a.

Udarregi Ikastola

Deialdia, 3-16 urte arteko ikasle berriei zuzendutako aurrematrikulazio kanpaina dugu honako hau. Matrikulazioa bideratzeko ordutegia aurrez adostu beharko da, ikastolara deituta. Hemen telefono zenbakia: 943 361 216. Agirion kopiak aurkeztu beharko dira: udaleko bizikidetza-ziurtagiria, haurraren NAN tamainako argazkia, familia-liburua, gurasoen NAN, Gizarte Segurantza txartela, kontu korronte baten zenbakia (IBAN eta BIC kodeak).

Honako eskaintza luzatu dute ikastolatik:

  • Konpetentzietan oinarritutako hezkuntza (0-16 urte bitarte).
  • Euskalduna. Euskal Herriko kultura eta herri ekintzetan murgildua dagoena.
  • Balore eta jarreren lanketa, heziketaren ardatz gisa.
  • KIVa ikastola: Eskola Jazarpenaren (bullynga) aurkako programa indarrean.
  • Eleanitza: ingelesa 4 urtetik aurrera eta frantsesa DBHn.
  • Orientazioa ikasle eta gurasoentzat.
  • Heziketa Behar Bereziak dituztenentzat Laguntza Gela.
  • Berritzailea: Teknologia berriak ardatz.
  • Autobus zerbitzua: Lasarte, Zubieta, Santuenea, Aginaga.
  • Jangela: Bertan sukaldatutako herriko produktuak.
  • Goizeko Zaintza: 8:00etatik 9:00etara urte osoan. Iraila eta ekainean arratsaldeko zaintza ere: 14:30etik 16:30era.
  • Eskolaz kanpoko jarduerak: kirolak, dantza, antzerkia, bertsolaritza, xakea eta robotika.
  • Beka sistema propioa: kuoten % 100.

Informazio gehiago: udarregi.eus

 

Aginagako Eskola Txikia

Eskaintza:

-2-12 urte artekoentzat euskarazko irakaskuntza eskaintza zabala doan: ingelesa 3 urtetik aurrera, musika, internet gela guztietan, heziketa bereziko irakasle espezializatuen zerbitzua...

-Jantoki zerbitzua.

-Eskola-txikien artean koordinatutako proiektua konstruktibismoan oinarrituz.

-Eskola-txikien arteko elkarbizitza: irteerak, antzerkiak, kirola...

-Eskola orduz kanpoko kirola.

-Goizeko gela, 8:00-9:30 artean.

Informazio gehiago:

Erriberako Kalea 7, 09:30-16:30 artean

Tlf: 943 372 044

Fax: 943 372 044

012261aa@hezkuntza.net

aginaga.eskolatxikiak.org

Zubietako Eskola Txikia

Informazio gehiago:

943 372 931

012219aa@hezkuntza.net edo zubieta@eskolatxikiak.org

www.zubieta.eskolatxikiak.org

-HHI-EPA, Helduen Eskola:

Eskaintza: graduko ikasketak (DBH), informatika ikastaroak, hizkuntzak (ingelesa mintzapraktika...).

Telefono zenbakia: 943 366 608

E-posta: info@epalasarte.eus

Web orria: epalasarte.eus