Zubietako erraustegia

Milaka ahots adostasun eske, GuraSOSen manifestazio jendetsuan

Adostasunaren olatua barneratu da larunbat arratsalde eguzkitsu honetan Donostian. Milaka ahots, hondakinen kudeaketarekin dugun gatazkan adostasun eske. Arrakastatsua beste behin, GuraSOSek Gipuzkoako hiriburuan deitu duen mobilizazioa.

Antiguako tuneletik abiatu dute mobilizazioa 17:00ak pasatxoan. Abiapuntuan jendetza batu bada, bidean zehar, bereziki hiriburuko erdigunean manifestari gehiago batu dira mobilizaziora. Txalo artean hartu dituzte hainbat lagunek GuraSOSen mobilizazioa. Bidean zehar, hainbat bolondres aritu dira, urriaren 7an Usurbilgo frontoian haurrek sortutako hitz eta marrazkiekin apainduriko babes-kutxak saltzen.

Bulebarrera heldu direnerako, adostasunaren aldeko olatua uholde bilakatu dute milaka lagunek. Ondoko bideoan bildu ditugu manifestazioko zenbait une.