Espainiako Kongresua eta Senatua berritzeko hauteskunde egun hau parte hartzea nabarmen ari da erakartzen.
Argitaratu berri dituzte 14:00etako parte hartze datuak.
20:00ak arte botoa emateko aukera duten 4.698 usurbildarretatik 2.051 usurbildarrek bozkatu dute jada 14:00ak arte, %43,66ak alegia.
2016ko datuekin alderatuta, 8 puntu egin du gora parte hartzeak. Orduko hartan, %35,62k (1.666 herritarrek) bozkatu zuen ordu honetarako.
Gipuzkoan, EAE-n, Nafarroan eta Estatuan ere parte hartzeak nabarmen egin du gora. Honatx 14:00etako datuak gainerako eremuetan: Gipuzkoan %42,81, EAE-n %41,75, Nafarroan %43,79 eta Estatuan %41,49.
Hurrengo parte hartze datua 18:00ak aldera kaleratuko dute. Gogoan izan, 20:00ak arte zabalik izango direla 8 hauteslekuak.
20:00etan hauteslekuak itxi eta hasiko da zenbaketa. Behin behineko datu guztion berri ematen joango gara egunean zehar.