Eskola Agenda21 proiektuaren parte da Udarregi ikastola. Eta ikastolarekin batera, Lehen Hezkuntzako ikasleak, irakasleak, gurasoak eta ikastolako gainerako langileak. “Aurtengoan, kontsumo jasangarriaren gaia aztertzen ibili gara”, aditzera eman digutenez. “Gai sakona, usurbildarren eguneroko bizitzarekin harreman zuzena duena, eta nahiz eta gauzak nola egin behar diren jakin, oraindik asko egiteko dagoela ikusi dugu”.
Kontsumo jasangarrian sakontzeko, lehenik eta behin txoko berde bat atondu zuten. “Bertan, oka jolas moduko baten bitartez, kontsumo jasangarriari lotutako hainbat kontzeptu ezagutzeko aukera izan genuen”.
Ikasturtean zehar, ikastolako nahiz herriko diagnostikoa osatu dute. Honen guztiaren berri emateko, udaletxean izan ziren astearte goizean.
Argazkia: Artelatz.