Donostia aldeko argazki batzuk salbu, bereziki Usurbilgo "natura" erakusten digute Maria Jesus Etxeberriaren argazkiek. Usurbilgo argazkilariaren lan sorta bat ikusteko aukera izango duzue Sutegiko aretoan bi astez, urriaren 18ra arte. Ordutegi honetan: astelehenetik ostiralera, 16:30-19:00 artean. Asteburuetan, larunbat eta igandeetan, 11:30-12:30 artean.
Etxeberria bigarrenez itzuli da Sutegira urtebeteko tartean. Iazko udazken partean ere “Eguzkia eta argiaren indarra” erakutsi nahi izan zigun beste irudi bilduma batekin; besteak beste, eguzkia atera edota egunaren amaierako Usurbilgo argazkiak.