Ikasleak danborjole eta irakasleak dultzaina jotzen ikastolako patioari bi itzuli eman eta euskara lau haizeetara, plazara, herrira atera du goizean Udarregi Ikastolak. Ez du noski, edozein une hautatu horretarako; abenduak 3 ditu gaur, Euskararen Eguna dugu!
Gernika ibilbidea, Mikel Laboa plaza, frontoia, Dema plaza, Errekatxiki eta Artzabal zeharkatu dituzte Lehen Hezkuntzako ikasle eta irakasleek kalejiran. Artzabalgo zelaira heldu direnean nagusitu da urduritasuna, eta hasi dira korrikaldi eta ihesaldiak, Munalurra aldetik jaitsi zaizkien buruhandiekin.
Euskararen Egun honetarako Udarregi Ikastolak antolatu duen ekimen eskaintza zabalaren lekuko ondoko irudi bilduma:
