Haurrentzako "Pirata Arratoia" film proiekzioa igandean

Erregeen etorrera zela eta, urtarrilaren 12ra atzeratu dute Usurbilgo Udalak eta Ziortza Gazte Elkarteak, negu parteko haurrentzako zine zikloaren baitan hilabete honetan eskaintzekoa zuten haur eta gaztetxoei zuzenduriko film proiekzioa. "Pirata Arratoia" izeneko ikus-entzunezkoa igande honetan bertan 17:00etan Sutegin.

Azarotik martxora hileroko lehen igande arratsaldeak haur eta gaztetxoenak izaten dira Sutegiko auditorioan, Usurbilgo Udalak Ziortza Gazte Elkartearekin antolatu ohi duen euskarazko film proiekzioekin. Urtarrilekoa izatez joan den igandean, hilaren 5ean egokitzen zen. Baina erregeei egindako harrera tarteko, antolatzaileek astebete atzeratzea erabaki zuten haur eta gaztetxoentzako euskarazko zine proiekzioa.

Igande honetara, urtarrilaren 12ra hain zuzen. Ohiko ordu eta tokian, 17:00etan Sutegiko auditorioan eskainiko da datorren ikus-entzunezkoa; "Pirata arratoia". 

HAURRENTZAKO FILM PROIEKZIOA: "PIRATA ARRATOIA" 
Eguna: urtarrilak 12, igandea.
Ordua: 17:00.
Tokia: Sutegiko auditorioa.
Sinopsia: "Kontuz arratoi piratarekin! Bide lapurren artean gozo zaleena… Bere zaldiaren gainean, bidean aurkitzen duen bidaiari guztien janaria lapurtzen du bera baino maltzurragoa den norbaitekin topo egitenduen arte. Julia Donaldsonek sortutako primerako istorio dibertigarria".
Sarrera: 3 euro, egunean bertan.
Nori zuzendua: 3 urtetik gorakoentzat.
Antolatzaileak: Usurbilgo Udala eta Ziortza G.E.