Asteleheneroko ikastaroan bilduko da Usurbilgo Euskal Kantu Taldea gaur (urtarrilak 27) 18:00-19:00 artean Agerialdeko musika gelan. 11 urte bete berri dituen bilgunea, otsailaren 4an ospatuko duten kopla saioari begira da jada. Astebete barru, Santa Ageda bezpera egunez plazara irtengo dira iaz bezala, koplak abestera. Egun berean, ikastetxeak batuko zaizkie herriko kantarien plazaratze horretan; Udarregi Ikastola eta Aginaga zein Zubietako Eskolak.
SANTA AGEDA BEZPERAKO OSPAKIZUNAK
Otsailak 4, asteartea
Kantu Taldea
19:00 Agate Deunaren bezperako kopla saioa herrian zehar.
Antolatzailea: Usurbilgo Euskal Kantu Taldea.
Zubietako Eskola
10:45 Santa Ageda eskean irtengo dira Zubietako Eskolatik.
Aginagako Eskola
14:30 Santa Ageda eskean irtengo dira Aginagako Eskolako kideak.
Udarregi Ikastola
14:30 DBHko ikasleak herrian zehar ibiliko dira.
15:00 Udarregi Ikastolako kideak kalez kale irtengo dira abestera.
16:00 Ikasleak frontoian elkartuko dira.