Usurbilgo Udalak eta Ziortza Gazte Elkarteak negu parte honetarako haurrentzat antolaturiko euskarazko zine zikloa azken txanpara hurbiltzen doa pixkanaka. Azaroan abiaturiko zikloko hurrengo hitzordua, igande honetan (otsailak 2) arratsaldeko 17:00etan Sutegiko auditorioan. Sarrera 3 eurotan eskuratu ahalko da egunean bertan. "Ploey: ez duzu inoiz bakarrik hegan egingo" proiektatuko dute.
EUSKARAZKO ZINE ZIKLOA HAURRENTZAT
Eguna: otsailak 2, igandea.
Ordua: 17:00.
Tokia: Sutegiko auditorioa.
Sinopsia: "Familia osoarentzako animaziozko abentura hunkigarri honek urre-txirri gazte baten historia azaltzen digu. Hegan ikasteko arazoak ditu; horregatik, negua heltzean, ezin du bere familiakoekin migrazioa egin klima epelagoko toki batera. Bere adiskideek lagunduta, aurrera egin ahal izango du etsaiz jositako mundu batean, benetako heroi bilakatu arte".
Sarrera: 3 euro, egunean bertan.
Antolatzaileak: Usurbilgo Udala eta Ziortza Gazte Elkartea.