Plazara atera eta kantuan aritzen ohituak daude. Gaurkoan ordea hitzordu berezia zuten: Santa Ageda bezperako jira. Baserritar jantziak soinean, makila eskuetan, lurra kolpatu eta herria girotzen aritu dira tabernaz taberna, Kaxkoan barrena.
Gogoan izan, astelehenero biltzen da Usurbilgo Euskal Kantu Taldea 18:00-19:00 artean Agerialdeko musika gelan. Gaurkoaren ostean, bigarren hitzordu bat izango dute otsaila honetan bertan: ohiko kantu-jira. Hilaren 29an 12:30etan Mikel Laboa plazatik abiatuko dena.
