Horregatik gogorarazi dutenez, "gu guztiok beharrezkoak gara, ez zaitez etxean geratu. Antolatu, feminismora batu, gora borroka feminista!". Egunero, eta egunero moduan, Martxoaren 8 honetan. "Borroka eguna da, emakume langileok jasaten dugun zapalkuntza salatu eta gizarte eredu feminista aldarrikatzeko" eguna, baita "sistema errotik irauli nahi dugula adierazteko eguna" ere.
Borroka feministaren bidetik hainbat aurrerapauso eta lorpenak erdietsi direla nabarmenduta, bide beretik segitzeko deia egin dute. "Argi daukagu, bide hori emakumeen arteko antolakuntzaren eta borrokaren bitartez egiten jarraitu behar dugula", sistemak sakabanatuak, zatituak eta isolatuak nahi dituztela ohartaraziz. Antolatuz eta saretuz egin nahi dute bidea. Gaur egun hainbat eremuetan egiten ari diren moduan.
