Pagazpe Pilota Elkarteko bi jokalariek urteak daramatzate elkarrekin jokatzen. Bikote sendoa osatzen dute. Azken urteotako ohiturari jarraituz, Gipuzkoako Trinkete Txapelketako finalera iritsi ziren Mikel Landa eta Enrike Huizi. Urnietako Loitegi-Esnaolaren aurkako norgehiagoka larunbatean jokatu zen Irurako Ametsa frontoian. 40-31 nagusitu ziren urnietarrak.
Behar Zanak eskuz binakako kadeteen finala irabazi zuen; Oiarpe 1ek eskuz binakako jubenilena; Hernani 2k eskuz binakako nagusien Bigarren Mailakoa, eta Urnietak eskuz binakako nagusien Lehen Mailakoa.