Sagardo eguna

Igande honetan, edertu etxeko balkoiak

Datorren igandean ospatzekoa zen Sagardo Eguna. COVID-19ak eragin duen osasun alertaren ondorioz, bertan behera utzi dira ekitaldi publiko denak. Etxean eta etxekoekin ospatu beharko da aurtengoa. Dena den, kaleak girotzeko xedez, Usurbilgo Sagardo Egunaren Lagunak elkarteak ekimen ikusgarri bat jarri du martxan: etxeko balkoiak edertzeko proposamena. 

Ostiralean eta larunbatean banatuko dira balkoiak edertzeko plastiko zatiak. Nola eta non eskuratu? Usurbilgo Sagardo Egunaren Lagunak elkarteak Artzabalen duen egoitzatik pasa behar da plastiko zatia jasotzera (Guria tabernaren ondoan dagoen bulegoan).

 

Plastikoen banaketarako bi hitzordu hauek zehaztu dituzte:

Maiatzak 22 ostirala: 18:00-20:00.

Maiatzak 23 larunbata: 11:00-13:00.

 

Argazkia: Iñaki Agirresarobe.