Atzo, arratsaldeko 17:30erako jendea zain zen Artzabalgo bulego atarian. 18:00etan hastekoa zen plastiko banaketa, Sagardo Egunari begira, etxeko balkoiak apaintzeko apaingarri zuri-gorriak. Denak atzo bertan banatu zituztenez, gaur goizean ez da banaketarik egingo.
Antolatzaileak, harrituta
"Poza ematen du herriaren eskertza”, adierazi dute Usurbilgo Sagardo Egunaren Lagunak elkarteko antolatzaileek. Eskaera bat ere luzatu dute: “Balkoietan maindire txuriak zerbait gorriarekin jartzera animatu”. Iñaki Agirreraroberen argazki hau har daiteke eredu gisa.