Koronabirusa

14tik 16ra igo da, martxotik covid19-az diagnostikaturiko herritarren kopurua

Egunotan covid19-a duten bi kasu berri zenbatu ditu Eusko Jaurlaritzaren Osasun Sailak Usurbilen. Informazio iturri beraren arabera honenbestez, martxoaz geroztik 16 dira udalerri honetan koronabirusa izan duten herritarrak.

Duela hilabetetik ez zen igoera berririk antzeman aste honetara arte. Martxoaz geroztik 14 ziren covid19-a diagnostikatua zioten herritar kopurua ostegun honetara arte. Eusko Jaurlaritzaren Osasun Sailak egunero eskaintzen dituen datuen arabera, bi kasu berri erregistratu dira Usurbilen. Honenbestez, koronabirusaren datuen gaineko eguneroko jarraipena egiten hasi zirenetik, 16 dira gaur arte udalerri honetan covid19-a diagnostikatu zaien herritarrak. 6.318 biztanlerekin 100.000 biztanleko 253,2ko diagnostikatu tasa du udalerri honek.

Duela aste batzuetatik herriz herriko hildakoen kopurua ere plazaratzen hasia da Eusko Jaurlaritzaren Osasun Saila. Gaurkoz Usurbilen hildakorik ez dela izan dio aipatu erakundeak. 0 hildakorekin, udalerri honetako hilkortasuna 0,0koa izaten segitzen du larunbat honetan (ekainak 20).

Dakizuenez, udalerriak osasun eremuka daude antolatuak, eta eremu hauei buruzko informazioa ere egunero eskaintzen du Eusko Jaurlaritzak. Udalerri hau "Lasarte-Usurbil" eremuan dago kokatua. Eremu honetako datuak oso bestelakoak dira. Usurbilen azken hiru hilabeteotan 0 hildako eta 16 kasu diagnostikatu izan baditugu, martxoaz geroztik "Lasarte-Usurbil" eremuan 5 hildako zenbatu ditu Osasun Sailak eta 71 kasu diagnostikatu. Zenbakiokin, 7,0koa da eremu honetako hilkortasuna. 26.512 biztanledun eremuan, 100.000 biztanleko 267,8 diagnostikatu tasa du.

Eusko Jaurlaritzak gaur (ekainak 20) eskaini dituen datuak esteka honetan kontsulta ditzakezue: Eusko Jaurlaritzaren datuak

Igoera txikia EAE-n
Ekaineko datuei erreparatuta, igoera txikia izan arren, gorantz egin dute EAE mailako kasu positibo berriek. Azken 24 orduotan ez da hildakorik izan, "PCR bidez" 16 kasu berri antzeman dira; 3 Araban, 9 Bizkaian eta 4 Gipuzkoan. "Test azkarraren" ondorioz 49 kasu antzeman dira. Covid19-a gainditu dutenak 40 lagun izan dira azken 24 orduotan eta 12 pertsonek jaso dute ospitale-alta. 10 lagunek jarraitzen dute ZIU-n, duela 24 ordu baino lagun bat gutxiagok.