Bero dugu egunotan; baina badirudi egoera goitik behera aldatu daitekeela datozen orduotan. Asteazken eta ostegun arratsalde honetan, ekainaren 24an eta 25ean hurrenez hurren, abisu horian izango gara "prezipitazio handiagatik". Gaur (hilak 24), 15:00-00:00 artean, "ordubetean 15 l/m² baino gehiago pila daitezke, bereziki barnealdean. Zaparrada trumoitsuak eta ertainak bota ditzake, txingorrarekin eta haize-bolada oso gogorrekin; zenbait lekutan zaparradak handiak izan daitezke, bereziki barnealdean".
Bihar (hilak 25), 15:00-21:00 artean ere abisu horian izango gara. "Ordubetean 15 l/m² baino gehiago pila daitezke. Zaparrada trumoitsuak eta ertainak bota ditzake, txingorrarekin eta haize-bolada gogor edo oso gogorrekin; zenbait lekutan zaparradak handiak izan daitezke".
Egunotarako iragarpena
Usurbilen asteazken honetan, "erdi-mailako hodei eta goi-hodei batzuekin. Arratsaldean bero-hodeiak garatuko dira. Arratsalde-gauean zaparrada ertainak eta trumoitsuak bota ditzake, txingorrarekin eta haize-bolada gogorrekin. Zenbait lekutan baliteke ekaitzak handiak izatea. Hego-ekialdeko haize ahula ibiliko da, tarte biziekin goizean. Eguerdi inguruan haizea ipar-osagaitik finkatuko da, ahul, eta arratsaldean haizeak ipar-mendebaldera egin dezake, ahul-bizi, bolada gogor batzuekin. Tenperatura maximoetan, aldaketarik ez".
Bihar (hilak 25), "zerua hodeitsu egongo da, bereziki egunaren bigarren partean. Egunaren lehen zatian zaparrada txiki-ertainak bota ditzake noizbehinka. Egunaren bigarren zatian zaparrada ertainak eta trumoitsuak bota ditzake, txingorrarekin eta haize-bolada gogorrekin. Zaparradak zenbait tokitan handiak izan daitezke. Mendebal-osagaiko haize ahula ibiliko da, tarte biziekin; arratsaldean ipar-mendebaldetik finkatuko da. Tenperatura minimoetan aldaketarik ez eta maximoak gutxi edo nahikoa jaitsiko dira".
Informazio eguneratua hemen: euskalmet.eus
Abisu horian izango gara asteazken zein ostegun arratsalde eta iluntze partean, "prezipitazio handiagatik". Hala iragarri du Euskalmet meteorologia agentziak.