Koronabirusa

Aste eta erdi, kasu diagnostikatu berririk gabe

Uztailaren 18aren bueltan izandako bi kasu diagnostikatuen ostean, azken aste eta erdi honetan Osasun Sailak ez du covid19-a duen erregistro berririk izan Usurbilen.

Azken 24 orduotan 46 kasu berri diagnostikatu ditu Osasun Sailak Gipuzkoan. Haietatik bakar bat ere ez Usurbilen. Eta hala daramagu aste eta erdiz. Uztailaren 17-18 buelta horretan diagnostikatu zituzten azken bi covid19 kasuak. 

Usurbilek Lasarterekin batera osatzen duten osasun eremuan aldiz kasu bakarra antzeman du Osasun Sailak azken astebetean; uztailaren 25ean. 

Asteartean, Araban, Bizkaian eta Gipuzkoan "4.849 PCR proba egin ziren, eta, haietatik, 123 positiboak izan ziren".

Puntu bakarretik behera egon behar lukeen oinarrizko birsorkuntza tasa, azken asteotan 2 puntutik gora egon ostean, azken 24 orduotan 1.06an da.


2020/07/29