Dian 6 urdin elastikua
txapazko tapakuboak
historian du parte eder bat
beragatik Gipuzkuak
Ta Opel Corsa-k berriz daduzka
Euskal Herri guztikuak:
txiste-txar hoikin bidairik ote
algararik gabekuak?
Herri mailako, Gipuzkoako
berdin Euskal Herrikuak.
Bertso zar eta bere Erramun
Marti(ni)korenan kantuak
Zuriz jatziak, eskutan takok
ondo lotu gerrikuak,
izan al ginan neurtzerik eztan
zure lanan neurrikuak?
Beso kakoa pikardirako
aproposena zelako.
Beti puntual, eredugarri,
erritik etzan faltako.
Nahiz beti ezin onenak eman
ahaleginikan pranko!
Irabazteko grinak haziten
utzi-re etzizulako.
Hainbat etxetan eskerrik bazan
orain-ezin zuganako.
Gu osatu nahian zure bizitza
bideratu dugulako.
Pelotan egin nahi zunik bazan
ezetzik etzendulako.
Sarritan ezin det ezberdindu
pelota hotsakin Pako
Doinua: Mutil koxkor bat itsuaurreko.